Lannanteya sa koe Ala ma
3
Dauda be kɛ beete bɔɔla tɛmuɛ min tɔ, a be borila a la den Abisalomi la.
2 Alatala, n jaguenu bata siya.
Anu siyata minnu be n kɛlɛla.
3 Anu siyata minnu be n na ko fɔla, anu ko:
«Kisi bele a ye Ala kɛnna. »
I sulen.
4 Kɔnɔ ile Alatala be n natangala,
n na nɔɔra nun n na kunnawule be fatanden ile le la.
5 Ka n be Alatala kelela n kulɛ mayɛlɛreŋɛ la,
a ni n jaabi a la kɔnkɔ saniyandeŋɛ tɔ.
I sulen.
6 N be sala n ni kinnɔgɔ han ɲɔlakɛnɛ,
n ni kunɛn bayi Alatala be n tanbɛren.
7 N te kilan kɛ jama banba la,
minnu be n namilinden n kɛlɛ koe la.
8 Alatala yandi wuli, n nakisi, n Marige Ala.
Bayi, ile le be n jaguenu bantilanna,
ile le be mɔgɔ koroŋɛnu ɲiŋɛnu makatila.
9 Ile Alatala le mu malakisilá la.
I be barikɛ sala i la jama ma.
I sulen.