Ala la mansa masubɛreŋɛ
2
Seenu be mɔnɛren fenna?
Bɔnsɛnu be fufafu mira tɔ fenna?
2 Iyon, dunuya mansanu bata wuli,
kuntigenu bata bɛn kɛlɛ koe la
Alatala nun a la mɔgɔ masubɛreŋɛ kunma.
3 Wo dunuya mansanu ko:
«Wo mɔ ni mɔ yɛtɛ bɔɔ anu bolo,
wo mɔ ni bɔɔ anu la mansaya kɔtɔ.»
4 Kɔnɔ Marige jeleta,
ale min be majigiren a la mansa tintiŋɛ tɔ saŋɛ tɔ, a yota anu ma.
5 A mɛn kumata anu ma a la dumɛ butɔ,
a la wo dumɛ ka anu kilan.
6 Ala la kuma le ka: «Ka, nde le ma kɛ mansa masubɛ ba?
N ka a sigi Siyɔna kɔnkɛ kunma, n na kɔnkɔ saniyandeŋɛ tɔ.»
7 Wo Ala la mansa masubɛreŋɛ la kuma le ka, a ko:
«N ni Alatala la nátá ɲamakaran wo ye.
A bata a fɔ n ɲɛ: ‹Ile mu n na deŋɛ le la;
nde tugun bata ma i baaba la bi.
8 Awa, i ni n táran n ni see bɛ dii i ma, a ni ma i ye kɛɛ la.
Dunuya bɛ si ma i tɛŋɛ la.
9 I si anu yamɔri mansa tungare nɛgɛnɛŋɛ le la,
i ni anu tiɲa iko lɔndɛ be mafarala ki min na, a fɛrɛŋɛnu ni malansan.›»
10 Awa, kɔtɛ wole dunuya mansanu, wo bɛnta hakkili sɔtɔla.
Kuntigenu, wo ni wo tolomasɔ sariya la.
11 Wo ni Alatala batu kilaŋɛ la,
wo ni sɛɛwa a la ko la, ka sɛrɛn.
12 A ka min masubɛ a ni ma a la deŋɛ la, wo ni wo kunsin a ye.
Ka wo ma, a si dumɛn wo ma han wo ni halagi wo be dunuya ka min na ka.
Bayi Ala la dumɛ si bita le iko ta tini don kaliŋɛ la.
Hɛra be mɔgɛ le ye, min be tangare ɲinila Ala la!