Kila fila
1
Hɛra be mɔgɛ ye,
min te mɔgɔ koroŋɛ la malase jokki,
a te sɔ junubutɔɛ la kila kɔma,
a te sigi yoyantenu la mamadɛŋɛ tɔ,
2 kɔnɔ a be ɲagalinna Alatala la yamɔri sɛbɛreŋɛ le la,
a mɛn be a hakkile bɛ tola a ma,
sue nun tele.
3 Wo tigi be toren de iko lɔgɛ min be kiren kɔɛɛ dala,
a be wolola a wagate ma,
a yanbanu te fasaya;
wo tigi tini fenfen ma, a si sɔnɔya.
4 Kɔnɔ mɔgɔ koroŋɛnu kan bele ɲɔgɔnna le;
ande be toren de iko dele, fɔɲɛ be min malansanna.
5 Wolo be a maren mɔgɔ koroŋɛ te kunnawule sɔtɔ kiiti luŋɛ;
junubutɔɛ ɲan te nɔ tola telenbaga jama ɲaama.
6 Iyon, Alatala be mɛnnila telenbaga la kila le ma,
kɔnɔ junubutɔɛ la kila kan be a donila bɔnɛ le ma.