Yigi sa koe Alatala ma
4
Dauda la beete do le ka, beeti bɔɔlanu la kuntige ye. A ni bɔɔ anun kɔra la.
2 N Marige Ala telendeŋɛ, n tini i kele, yandi i ni n jaabi.
Ka n juse be makasaren, ile le be jususa diila n ma.
Hinnɛ n na, i ni n na tarile jigan.
3 Awa, adamadeŋɛnu, wo be n na biliya masarala maluya la han tɛmu miniman?
Wo be sɔla ko fufafue nun foniya kɔma, han tɛmu miniman?
I sulen.
4 Wo ni a lɔn, min be tola Alatala la ko tɔ, a si wo tigi masubɛ.
Ka n ka n kulɛ labɔɔ Alatala ma, a si a mɔɛ le.
5 Awa, wole tugun ni kilan, wo ni fatan junubu ma koe la.
Wo yɛtɛ lasi sue tɔ,
wo ni wo sabari.
I sulen.
6 Wo ni sarika bɔɔ teleŋɛ le butɔ,
wo wo yigi sɔ Alatala ma.
7 Mɔgɔ siyama be a fɔla, «Ɲɔmɔ le si nɔ hɛra yitala mɔ la?»
Ee Alatala, i ɲamatelen mɔ ma.
8 Sɛnɛ tɛgɛ tɛmuɛ, mɔgɛ si ɲagalin de sɛnɛ sɔtɔ feŋɛ siyama la.
Kɔnɔ ile bata n juse lafa sɛɛwa la tanbi wonu la.
9 N tini sa, n be kinnɔgɔla jususa le butɔ,
bayi ile Alatala, i dɔrɔn de si nɔ n kantala.