Alatala nun a la mansa masubɛreŋɛ la ko
110
Dauda la beete do le ka.
Alatala la kuma le ka n Marige ye:
«Ile na sigi n bolo ɲinma tɔ,
han n ni i jaguenu bɛ ma i kɛnsɔfeŋɛ la.»
2 Alatala si a bole lafonti, a ni Siyɔn mansaya taaku i la,
anun i ni nɔɛ sa i jaguenu kunma minnu be i la miliŋɛ tɔ!
3 I la jama si to le i kɔma kɛlɛ ma luŋɛ tini ke,
i be i sɛnbɛ yitala lun min na saniyaŋɛ butɔ.
Ɲɔ lakɛnɛ fɛ, i be bɔɔla,
i be malanna le iko i kamaren wagate.
4 Alatala bata a kali, a mɛn te nimisa a la feu:
«Sarika lakelá le mu i la tɛmuɛ bɛ, iko Melikisedeki mɔɔle.»a
5 Marige Alatala be i bolo ɲinma tɔ,
a si naa mansanu tiɲa le a dumɛn luŋɛ.
6 A be a la kiite latagamanna le jamanɛnu bɛ kunma;
a be anu lafaren furenu la.
A be dugu banba mansa la ko tiɲala le.
7 A be kila tɔ wagate min tɔ, mansa ni kɔɔ tɔ je min.
Wo bɛ le be a mala, a ni kunnawule sɔtɔ.