Sulat'i Bulus kani Pilimun
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Su nia a sulat na inisulat'i Bulus kanu suled'in sa paginugut a si Pilimun a taw sa Kulusas. Na su dalepa a Kulusas na sakup'a Turkey sa saguna a timpu. Na su kinasulat'i Bulus sa nia na kanu timpu a kinabilanggu nin lu sa siudad a Ruma. Na nia kahanda ni Bulus sa kanu kinasulat'in sa nia na makapambalingan nin kani Pilimun su ulipen nin a si Unisimu kagina si Unisimu na minawa lu kanu mapulu nin a si Pilimun. Na sabap kanu kinaawa nin na 'gkagilekan sekanin pembalingan kanu mapulu nin a si Pilimun kagina mapakay a imatayan ni Pilimun ka ulipen nin bu sekanin. Na sabap kani Bulus na natawan ni Unisimu su tidtu a salig kanu Kadenan taman sa naisa su paginugut'ilan kanu Kadenan. Nia pan kaped a kahanda ni Bulus na matalima ni Pilimun si Unisimu sa dikena matag ulipen bu ka taliman nin sekanin a suled'in sa paginugut.