Sulat'i Bulus kani Titus
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Su nia a sulat na inisulat'u mama a bedtuan sa Bulus a lu pakatumpa kanu mama a bedtuan sa Titus a tagapeda nin bun kanu kapebpayapat kanu Mapia a Tutuma kanu apia endaw a dalepa. Na su kinasulat'i Bulus kanu nia a sulat'in na dikena bun gaid nauget i edtangkaya nin kanu timpu a kinasulat'in kanu ika-isa a sulat'in kani Timuti sa kanu timpu a manga telupulu lagun ulian nu kinanggihad'u Isa al-Masih kanu umul'in. Na su kinasulat'i Bulus kanu nia na lu natabu si Titus kanu punul a dalepa a Krita sa kanu dalepa a tinagakan ni Bulus lun. Nia kahanda ni Bulus kanu kinasulat'in lun na asal'a mapamandu ni Titus su 'bpamaginugut kanu Kadenan lu sa dalepa a Krita sa panun i kanggalebek'ilan kanu ngin i mapia enggu kapatidtu nin kanu ped a taw lu a di pakasugat i kabpamandu nin.
Na nakadalem bun kanu nia a sulat su makapantag kanu kinapamili sa kangaunutan nu 'bpamaginugut enggu su makapantag kanu da idsan nin a kapegkalimu nu Kadenan a pakalipuas kanu langun nu taw.