Ikadua a Sulat kanu Manga Taw sa Tisalunika
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Su nia a sulat na inisulat'u mama a bedtuan sa Bulus a lu pakatumpa kanu lumpukan nu 'bpamaginugut sa dalepa a Tisalunika. Na su kinasulat'in sa nia na lu bun sekanin natabu sa Kurintu a lusud'u prubinsia a Akaya a kaped'in bun si Silas enggu si Timuti. Na ikadua den i nia a sulat'i Bulus kanu 'bpamaginugut sa Tisalunika.
Na nia nakadalem kanu nia a sulat na su kagkabagel'u tindeg'u 'bpamaginugut taman sa itagu nilan sa ginawa su panduan a inipamandu kanilan. Na nakadalem bun sia su makapantag kanu wagib a kapedsiksa nu Kadenan kanu 'bpamungkaid kanu 'bpamaginugut lu sa Tisalunika enggu su kapangingat kanu manga panduan a di pakatidtu pantag kanu kambalingan nu Isa al-Masih. Nakadalem bun sia su dait a pakaidan kanu 'bpamaginugut a pebpauk-pauk atawa ka di miug enggalebek.