Ika-isa a Sulat kanu Manga Taw sa Tisalunika
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Su nia a sulat na inisulat'u mama a bedtuan sa Bulus a lu pakatumpa kanu lumpukan nu 'bpamaginugut sa Tisalunika. Na su kinasulat'in sa nia na lu sekanin natabu sa Kurintu a lusud'u prubinsia a Akaya a kaped'in si Silas enggu si Timuti. Na su Tisalunika na balapantag a siudad'u prubinsia a Masidunia a bedtuan saguna sa Greece. Nakapila kapadian bu i kinapangusiat'ilan lu sa Tisalunika kagina natekaw i kinaawa nilan lu sabap sa kabpamungkaid kanilan. Mabatia su pantag kanu nia sia kanu Manga Pinggalebek'u Manga Sinugu nu Isa al-Masih 17 ayat 1 taman sa 10.
Nia nakadalem kanu nia a sulat na su kinapatadem'i Bulus kanu manga taw lu a 'bpamaginugut pantag kanu manga pinggula nin a kaped'in si Silas enggu si Timuti sa kanu timpu a lu pan silan kanilan enggu su kapegkiug'ilan pembalingan. Na nia pan nakadalem kanu nia a sulat na su panduan pantag kanu kapaguyag-uyag a kasuatan nu Kadenan taman den kanu inam sa kambibiag 'bpaluman nu 'bpamaginugut sa kanu kambalingan nu Isa al-Masih ganat sa sulega.