Kitab a Inisulat'u Nabi Danyil
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Na kanu timpu a manga nem gatus lagun unan nu kinambata kanu Isa al-Masih na su manga taw a Yahuda na nabiag kanu dalepa a Babilunia.a Na isa kanu nabiag na su manguda a si Danyil enggu su manga pakat'in. Na si Danyil enggu su telu kataw a manga pakat'in na napamili silan a mapanunugu nu sultan sabap sa inenggan silan nu Kadenan sa kategelan a dala makalawan lun kanu manga taw a Babilunia.
Na su manga taw sa Babilunia na nia nin pedsimban na manga pegkakadenanen ugaid'a si Danyil enggu su telu kataw a manga pakat'in na naninindeg sa dili kasimbulan su kapedsimba nilan kanu tidtu a Kadenan sa apia nia nin kaaden i ipatay nilan pan su entu.
Na inenggan nu Kadenan sa kapegkagaga su Danyil sa kaalung'in kanu di pan 'gkanganggula enggu katargium a punan na kinapangkat'in sa galebekan taman sa madakel a manga sultan i nanggalebekan nin taman sa kinagkatua nin. Na naalung'in bun su makapantag kanu manganggula kanu manga mauli den a gay.