Su Kadenan a Mapulu i Pegkahanda sa Langun
21
Su Kadenan a Mapulu i pegkakataw kanu pamikilan nu datu a mana bun su kapegkiug-kiug'in kanu leges'a ig;sekanin i pegkahanda lun sa apia endaw nin papedsangulen.
2 Nia kapegkailay nu manusia kanu penggalebeken nin na pakasugat,
ugaid'a nia nin kabantang na su Kadenan a Mapulu i mataw lun pedtimbang-timbang kanu niat'u pamusungan nu taw.
3 Nia labi a 'gkasuatan nu Kadenan a Mapulu na su kanggula sa ngin i wagib enggu matidtu
kumin kanu ipegkurban sa lekanin.
4 Su katalibadtug enggu su kamamasela na kadusan,
na maya ba su talaguy na uyag-uyag'u manga daluaka a taw.
5 Su kahanda nu manga taw a makamangun na embantas,a
ugaid'a su taw a masasaw i galebekan nin na 'gkamiskin.
6 Su kakawasan a nakua sa ukit'a kasalimbut
na mana litag a pakapatay enggu mangagan bun 'bpapas.
7 Nia bun makabinasa kanu dupang a taw na su galebekan nin a kadaluakan,
kagina inikias'in su kanggula sa ngin i wagib.
8 Su ula-ula nu manga daluaka na pakasibay,
ugaid'a su kabpaguyag-uyag'u manga ikelas na matidtu.
9 Nia pan mapia a pegkakalebenan su untul'u walayb
kumin sa lu kanu ludep'u walay a nia nengka tagapeda na su kaluma a tagukagen.
10 Nia bu 'gkapaginagkay nu manga dupang a taw na kadaluakan.
Dala lat'a nanam'ilan kanu manga ped'ilan.
11 Amaika siksan su manga masudi na kaadenan na tuntay su paidu i tuntay nin.
Na amaika nia pamapatan su balaitungan na makin mangiseg su nasabutan nin.
12 Su Kadenan bu a Mapulu i ikelas sa langun, pedsusulimanen nin su sakambinabatanc nu manga daluaka,
sekanin bun i papedtingguma sa kasiksan kanilan.
13 Su apia entain a di nin ipamamantag su kabpangeni sa tabang'u manga miskinan,
na dala bun mamamantag lun amaika mauma su timpu a sekanin menem i mangeni sa tabang.
14 Su kasisip sa kuleta kanu taw ka inggay sa dala makataw lun
na makaawa sa sakit'a ginawa.
15 Amaika nia pakatimbabaw su kawagib na 'gkangagalaw su manga matidtu,
ugaid'a su daluaka a manga taw na pebpatay na gilek.
16 Su apia entain a lidasan nin su gugud a kapaguyag
na nanget a nia nin kabpawangan na pakubulan.
17 Su taw a nia nin bu kalilinian na kaudal sa tamuk sa kagkakalilini enggu kainem sa makalangut
na 'gkamiskin enggu di makasesengaw.
18 Su manga daluaka enggu su di kangasaligan a taw
na silan su makatala kanu kasiksan a pinagadil'ilan kanu manga ikelas enggu matidtu.
19 Nia pan mapia su kagkaleben kanu dalepa a dala taw nin
kumin sa nia madtagapeda su tagukagen enggu malemu malipunget a kaluma.
20 Su walay nu balaitungan na napenu na kakawasan enggu tamuk,
ugaid'a su babal na ibpeden nin magudal su langun na aden sa lekanin.
21 Na apia entain i maginapas kanu kaikelasan enggu kapangalimuan
na 'gkalendu i uyag-uyag'in enggu mabadtug.
22 Su mapulu a balaitungan na magaga nin magitung u panun i kasakup'in kanu mabagel a siudad a napenu na manga sundalu
taman sa magaga nin mapadadsang su mabagel a alad a pedsaligan nilan a pendalinding kanilan.
23 Su taw a abungan nin su ngin i 'bpeliu kanu ngali nin
na makalidas sa samuk.
24 Nia pembedtuan kanu taw a talibadtugen enggu masandag na masudi
kagina dala idsan nin su kasandag'in.
25 Nia bun makapatay kanu mapauk a taw na su 'gkapaginagkay nu atay nin
kagina di sekanin malilini enggalebek;
26 nia nin bu 'gkapangingalap sa uman-uman gay na enggan bu sekanin
ugaid'a su matidtu a taw na 'bpangalimuan sa dikena 'bpagalang-alang.
27 Sangat a 'gkabensian nu Kadenan a Mapulu su ipegkurban nu manga daluaka
labi den amaika nia nilan kahanda sa kapenggula sa entu na kadaluakan.
28 Su budtuden a saksi na nanget a masiksa,
ugaid'a su pedtalu sa ngin i bantang na matalima su ipedsaksi nin.
29 Su daluaka a taw na 'bpamagigiling bu kanu langun na penggulan nin,
ugaid'a su matidtu a taw na 'bpagitungen nin sa mapia su penggulan nin.
30 Na dala ilemu atawa ka tuntay enggu kahanda
a makagaga semungkang kanu Kadenan a Mapulu.
31 Sia sa timpu na kapembunua na ibpagadil sa mapia su manga kuda,
ugaid'a su kabpanaban na su Kadenan bun a Mapulu i pegkakataw lun.