Su Manga Sengal
sia kanu Kitab Zabur
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Su nia a kitab na binedtuan sa Manga Sengal a inisulat paganay nu manga taw a Hibru. Nia kadakel'u nia na magatus enggu limapulu timan a sengal a nabad sa lima bad. Kadakelan kanu nia a manga sengal na ebpun kanu Nabi Daud. Su ped na ebpun kani Asap enggu su ped menem na ebpun kanu tupu ni Kura. Aden bun ebpun kanu Nabi Musa enggu kanu Nabi Sulaiman. Ugaid'a su ped kanu nia a manga sengal na di katawan u entain i sinemulat lun.
Kadakelan kanu nia a manga sengal na pedsengalen sa kapebpugi kanu Kadenan sia kanu walay a pedsimban kanu Kadenan. Ugaid'a nia nin kabantang na dikena bu i nia matag manga sengal a nakadalem kanu kitab ka aden i nia madalem a maena nin. Su nia a manga sengal na makapantag kanu manga panduan, kanu kapegkalidu na ginawa, kapugi enggu kasalig kanu Kadenan enggu aden bun pantag kanu Masih. Na isa i nia a pangeni-ngeni nu manga taw a pedsalig kanu Kadenan a lalan sa kabpangeni nilan sa tabang sa lekanin kanu dikena mapia a 'gkangatala nilan. Na lalan bun i nia sa kapebpugi nu manga taw a aden salig'in kanu Kadenan enggu kapegkakalendem'ilan kanu mangapia a pinggula nin kanilan kanu nangaipus a manga timpu.