Su Manga Sengal
sia kanu Kitab Zabur
Ikaisa a Libelu
(Sengal 1— 41)
Sangat i Kapia nin su Taw a Matidtu
1
Mapia den a benal kanu tawamaika di nin ipamamantag su panduan nu manga taw a dupang,
di munut kanu ukit'u manga taw a baladusa,
di magigiamung kanu lumpukan nu manga taw a masudi.
2 Ka nia nin kalilinian enggula na su kanggulalan nin kanu kasuguan nu Kadenan a Mapulu
enggu magabi sa malamag na entu bu ba i 'bpamikilen nin.
3 Mana bun sekanin kayu
a pinamula kanu ligid'u lawas'a ig
a 'bpagunga sa mapia kanu timpu na kabpagunga nin enggu di 'gkagangu i manga laun nin.
Na su langun nu penggalebeken nin na 'bpagunga sa mapia.
4 Ugaid'a dikena maitu su manga taw a dupang.
Mana silan ukap a pakabayug'u sambel.
5 Di silan temika kanu kukuman nu Kadenan.
Di a benal silan masulut a makaamung kanu lumpukan nu matidtu a manga taw.
6 Ka su Kadenan man a Mapulu i pedtiakap kanu uyag-uyag'u manga taw a matidtu,
ugaid'a su uyag-uyag'u manga taw a dupang na kabinasan i kabpawangan nin.