Su Kinabaluy ni Murdikay a Mapulu sa Langun nu 'Gkangaunutan
10
Inisugu nu Sultan Ahasirus i mayad sa buwis su langun nu manga taw kanu pendatuan nin apia su lu pegkaleben kanu manga punul. 2 Na su langun nu kapegkagaga enggu badtug a pinggula nu Sultan Ahasirus taman kanu kinaenggay nin sa kabadtugan kani Murdikay na inisulat kanu 'bpanulatan kanu balapantag a 'gkapagukit-ukitan nu manga datu nu dalepa a Midia enggu Pirsia. 3 Na si Murdikay a taw a Yahudi i nabaluy a mapulu sa langun nu 'gkangasaligan nu Sultan Ahasirus. Na sangat a nabadtug sekanin enggu 'bpagadatan nu manga pagidsan nin sa tribu sabap kanu kinapangilay nin sa ukit a kagkapia nu manga pagidsan nin a Yahudi taman kanu manga muliataw nilan.Wassalam