Su Kapugi kanu Kadenan a 'Bpanabang kanu Taw nin
146
Pugin su Kadenan a Mapulu!Nia 'gkadtalu nu ginawa ku na pugin ku su Kadenan a Mapulu!
2 Pugin ku su Kadenan a Mapulu taman sa bibiag aku pan;
edsengal aku sa kapugi kanu Kadenan ku taman sa bibiag aku pan.
3 Di nu semaligi su manga datu atawa ka su manusia
kagina di kanu nilan bun magaga lemipuas.
4 Ka u matay bu a entu silan na embalingan den silan sa libubuk,
na kanu entu bun ba a kutika, na madadag su manga kahanda nilan.
5 Mapia den a benal kanu taw u nia pedtabang lun na su Kadenan nu Yakub;
mapia den a benal kanu taw u su inam'in na sia kanu Kadenan a Mapulu a Kadenan nilan
6 a minaden kanu sulega enggu kanu dunia,
kanu lagat enggu su langun nu nakadalem lun.
Na kasaligan sekanin taman sa taman.
7 Sekanin i 'bpagenggay sa kukuman a wagib kanu 'gkangaumis;
sekanin i 'bpagenggay sa makan kanu 'gkangagutem.
Su Kadenan a Mapulu i pabpeliu kanu nangabilanggu a taw,
8 sekanin i pabpagilay kanu di pamakailay.
Sekanin i papedtindeg kanu apia entain a pakalukup den sa kapegkaugat lun,
ipegkalimu nin su matidtu a taw.
9 Su Kadenan a Mapulu, na pedtiakapan nin su manga lapu;
pedtabangan nin su manga ilu enggu su manga balu
ugaid'a su ukit'u manga taw a dupang na nia nin pabpawangan lun na kabinasan.
10 Su Kadenan a Mapulu na endatu taman sa taman.
Hu Awrusalim, su Kadenan nengka na endatu taman kanu langun nu temundug pan a muliataw.
Pugin su Kadenan a Mapulu!