Su Kapugi enggu Kadsukul-sukul kanu Kadenan a Mapulu
136
Edsukul-sukul tanu kanu Kadenan a Mapulu kagina mapia man sekanin,su sangat man a kakalimu nin na taman sa taman.
2 Edsukul-sukul tanu kanu Kadenan a Kadenan pan nu langun nu pedtawagen a kadenan
ka su sangat man a kakalimu nin na taman sa taman.
3 Edsukul-sukul tanu kanu Kadenan a Mapulu a Kadenan pan nu langun nu mapulu
ka su sangat man a kakalimu nin na taman sa taman.
4 Sekanin bu i penggula sa sangat a kangagaipan
ka su sangat man a kakalimu nin na taman sa taman.
5 Na sia nakanggulalan kanu ilemu nin na inaden nin su langit
ka su sangat man a kakalimu nin na taman sa taman.
6 Sekanin i napambuat kanu lupa kanu liwawaw nu manga ig
ka su sangat man a kakalimu nin na taman sa taman.
7 Inaden nin su manga pamakatayaw kanu kawang-kawangan
ka su sangat man a kakalimu nin na taman sa taman.
8 Inaden nin su senang a makaenggay sa liwanag kanu kagagabian
ka su sangat man a kakalimu nin na taman sa taman.
9 Inaden nin su ulan-ulan enggu su manga bitun a makaenggay sa liwanag kanu kalalamagan
ka su sangat man a kakalimu nin na taman sa taman.
10 Sekanin man i minimatay kanu manga kaka sa langun a wata a mama sa Egypt
ka su sangat man a kakalimu nin na taman sa taman.
11 Sekanin man i napaliu kanu manga taw a Israil sa dalepa a Egypt
ka su sangat man a kakalimu nin na taman sa taman.
12 Na sia kanu sangat a kapegkagaga nin na pinaliu nin silan
ka su sangat man a kakalimu nin na taman sa taman.
13 Sekanin man i napadsisi kanu Maliga a Lagat
ka su sangat man a kakalimu nin na taman sa taman.
14 Pinaukit'in kanu luk'u entu su manga taw a Israil
ka su sangat man a kakalimu nin na taman sa taman.
15 Ugaid'a su Piraun enggu su manga sundalu nin na ineled'in kanu Maliga a Lagat
ka su sangat man a kakalimu nin na taman sa taman.
16 Sekanin man i nangunanan kanu manga taw nin lu kanu tawan-tawan a dalepa
ka su sangat man a kakalimu nin na taman sa taman.
17 Inimatayan nin su mabagel a manga datu
ka su sangat man a kakalimu nin na taman sa taman.
18 Inimatayan nin bun su badtug a manga datu
ka su sangat man a kakalimu nin na taman sa taman.
19 Inimatayan nin si Sihun a datu nu manga taw a Amur
ka su sangat man a kakalimu nin na taman sa taman.
20 Inimatayan nin bun si Ug a datu nu dalepa a Basan
ka su sangat man a kakalimu nin na taman sa taman.
21 Inenggay nin su kalupan nilan a makabpusaka nin kanu manga taw a Israil
ka su sangat man a kakalimu nin na taman sa taman.
22 Inenggay nin su entu a kalupan kanu panunugun nin a manga taw a Israil a makabpusaka nin kanilan
ka su sangat man a kakalimu nin na taman sa taman.
23 Na da tanu nin man kalipatani kanu timpu na kamalasayan
ka su sangat man a kakalimu nin na taman sa taman.
24 Inilipuas tanu nin kanu manga kuntela tanu
ka su sangat man a kakalimu nin na taman sa taman.
25 Sekanin man i 'bpagenggay sa makan kanu langun na balangiawa
ka su sangat man a kakalimu nin na taman sa taman.
26 Edsukul-sukul tanu kanu Kadenan a lu sa sulega
ka su sangat man a kakalimu nin na taman sa taman.