Su Pangeni-ngeni sa Kadadsang'u manga Kuntela nu manga Taw a Israil
Sengal sa kabpawang sa Awrusalim asal'a makasimba.
129
Nia dait a edtalun nu Israil na“Tatap aku 'bpamungkaidan nu manga kuntela ku iganat pan kanu kanguda ku.
2 Tatap aku nilan man 'bpamungkaidanan iganat pan kanu kanguda ku
ugaid'a di aku nilan 'gkatalaw.
3 Na su taligkudan ku na napalian sa madalem
a mana su kadalem'u dinadu nu taliawid.”
4 Ugaid'a matidtu man su Kadenan a Mapulu,
tinebped'in su tali a nakaiket sa laki ebpun kanu manga dupang a taw.
5 Na pangeni-ngenin nami i su langun nu 'gkabensi kanu Zion
na makagkaya sa kataban kanilan.
6 Makailing silan kanu manga utan a mamangetu kanu untul'u atep'u walay
a mangagan bun malanes
7 a dala mamelimud lun
atawa ka dala mamanguyun lun.
8 Na su mamedsagad na dala makadtalu kanilan sa
“San sa lekanu su palihala nu Kadenan a Mapulu.
Palihalan nami sekanu sia kanu ingala nu Kadenan a Mapulu.”