Su Unga nu Kapaginugut kanu Kadenan a Mapulu
Sengal sa kabpawang sa Awrusalim asal'a makasimba.
128
Mapia den a benal kanu taw a magilek kanu Kadenan a Mapulua nia nin 'bpagukitan na su lalan sa lekanin.
2 Na makan nengka su unga nu pinggalebek'u manga lima nengka;
mapia den a benal sa leka ka makapaguyag-uyag ka sa mapia.
3 Su kaluma nengka na mana pamumulanen a ubas
sia kanu walay nengka a 'bpagunga sa mapia;
su manga wata nengka na mana silan manguda a kayu a ulibus a nakabalibet kanu lamisan nengka.
4 Na maitu ba i kapalihala
kanu taw a magilek kanu Kadenan a Mapulu.
5 Su Kadenan a Mapulu na palihalan ka nin ebpun lu sa Zion.
Pangeni-ngenin nami i mailay nengka pan su kambantas'u Awrusalim
taman a bibiag ka pan.
6 Pangeni-ngenin nami i mailay nengka pan su manga apu nengka.
Kalilintad kanu Israil!