Su Pugi kanu Kadenan kanu Kapianan nin
Sengal'u Nabi Sulaiman sa kabpawang sa Awrusalim asal'a makasimba.
127
Na amaika su walay a pimbalay nu taw ka dikena kiug'u Kadenan a Mapuluna su kinanggalebek'u mimbalay lun na dala bun katagan nin.
Na maitu bun ba amaika dikena su Kadenan a Mapulu i pedtameng kanu siudad
na dala bun katagan nu kapedtameng lun.
2 Na maitu bun ba, su kapenggedam sa mapanay a benal
enggu su kapedtulug sa magabi den a benal asal'a makapantiali sa kauyag'in na dala bun katagan nin
kagina su Kadenan man i 'bpagenggay sa kauyagan kanu manga taw a pinadtaya nin apia pedtulug pamun silan. a
3 Su manga wata a mama na palihala a ebpun kanu Kadenan a Mapulu;
balas silan a ebpun sa lekanin.
4 Su manga wata a mama a pimbata kanu kanguda nu ama nilan pan
na mana silan busug kanu lima nu pabubunua.
5 Mapia den a benal kanu taw
a madakel i wata nin a mama.
Ka di sekanin makayaya ka aden makadtabang lun
amaika makapagadapa nin su manga kuntela nin lu kanu bengawan nu siudad.