Su Pangeni-ngeni sa Kalipuas
Sengal sa kabpawang sa Awrusalim asal'a makasimba.
126
Na kanu kinapambalingan nu Kadenan a Mapulu lu sa Zion sa kanu manga taw a nabiagana mana i nia taginepen.b
2 Su ngali nami na di 'gkatikup sa kapedtatawa,
su dila nami na pakalalis sa kapia na ginawa.
Na nia kadtalu nu manga bangsa
na “Su Kadenan a Mapulu na minggula sa sangat i kapia nin kanilan.”
3 Na benal su entu, su Kadenan a Mapulu na minggula sa sangat i kapia nin sa lekitanu
tembu sangat a nangagalaw tanu.
4 Hu Kadenan a Mapulu, imbalingan nengka pan su kabalaukul'ami
a mana su manga lawas'u ig sa Nigib a nangailatan ugaid'a naadenan 'bpaluman na ig.
5 Na pangeni-ngenin nami i su silan a entu a namakaigis i lu nin sa kinasaud'ilan
na mamakasabpet silan a sangat a 'gkangagalaw.
6 Na su silan a entu a 'bpaguguliang sa kapengganat'ilan
a aden it'in a uni a ipedsaud
na muli silan a pakalalis sa kapia na ginawa
a it'ilan su manga pinamagagani nilan.