Su Kalipuasan nu Taw nu Kadenan
Sengal sa kabpawang sa Awrusalim asal'a makasimba.
125
Na su entain i semalig kanu Kadenan a Mapulu na mana sekanin su palaw a Ziona di magkeleng-keleng enggu taman sa taman na di maawa kanu nabetadan nin.
2 Na mana bun su manga palaw a nakabalibet kanu Awrusalim,
na maitu bun ba i kapendalinding'u Kadenan a Mapulu kanu manga taw nin
iganat saguna taman sa taman.
3 Ka su tungked'u kadatu nu mawag a taw na di man 'gkauget
kanu kalupan a iniumun kanu manga taw a matidtu
ka aden a entu na makakat sa kanggula sa mawag
su manga taw a matidtu.
4 Hu Kadenan a Mapulu, enggulai ka sa mapia su manga taw a penggula sa mapia
enggu su manga taw a ikelas i pamusungan nin.
5 Ugaid'a su silan menem a entu a tinemaligkud kanu mapia a ukit
na iamung'engka silan semiksa kanu manga taw a baladusa.
Kalilintad kanu Israil!