Su Kadsukul-sukul kanu 'Bpamelipuas kanu Israil
Sengal'u Daud sa kabpawang sa Awrusalim asal'a makasimba.
124
Sekanu a manga taw a Israil, ngin i makasumpat'u kanu nia?Panun guna amaika dala tanu bu tampili nu Kadenan a Mapulu?
2 Panun guna amaika dala tanu nin bu tabangi
sa kanu kinalusud sa lekitanu nu manga kuntela tanu?
3 Tabia bun ka naibped-ibped tanu den namamatay
sabap kanu sangat a lipunget'ilan sa lekitanu.
4 Tabia bun ka nakageled tanu den nu kadalem
a nadtatanggit'u bagel.
5 Tabia bun ka nangaled tanu den
nu sangat i kabagel'in a leges.
6 Pugin su Kadenan a Mapulu
ka da nin isugut a malupet-lupet tanu
kanu bagang'u manga kuntela tanu.
7 Mana tanu manga papanuk a nakabukawan
kanu litag'u palilitag;
bininasa nin man su litag
a sabapan na kinabukawan tanu.
8 Su tabang sa lekitanu na ebpun kanu Kadenan a Mapulu
a minaden kanu langit enggu kanu lupa.