Su Kapangeni sa Lat a Nanam
Sengal sa kabpawang sa Awrusalim asal'a makasimba.
123
Hu Kadenan a Mapulu, san ku ipedtulik sa leka su manga mata ku,su seka a nan a 'bpagagayan kanu kulesi nin san sa sulega!
2 Na mana bun man su manga mata nu manga panunugun
a pedtulik kanu lima nu mapulu nilan
atawa ka su manga mata nu panunugun a babay
a pedtulik kanu lima nu mapulu nin a babay
na maitu bun ba su manga mata nami sa kapedtulik'in sa leka a Kadenan a Mapulu a Kadenan nami
taman sa malat i nanam'engka sa lekami.
3 Hu Kadenan a Mapulu, lati kami den sa nanam, lati kami den sa nanam,
kagina sangat den a papegkapasangan kami.
4 Sangat den a pedsudian kami
nu manga taw a mangasandag
enggu sangat den a papegkapasangan kami nu manga taw a 'bpemamasela.