Su Sengal sa Kapugi enggu Kapangeni-ngeni pantag kanu Awrusalim
Sengal'u Daud sa kabpawang sa Awrusalim asal'a makasimba.
122
Na nagalaw aku guna nilan edtalua sa laki i“Lemu tanu kanu walay a 'bpangadapan kanu Kadenan a Mapulu.”
2 Hu Awrusalim, su manga ay nami na nakadtindeg den
kanu bengawan nengka.
3 Su Awrusalim na pinatindeg a siudad
a mapia i kinapagkakapeta lun asal'a di magkeleng-keleng.
4 Su manga tupu nu Israil
a manga taw nu Kadenan a Mapulu
na lu ba pebpawang a mana bun su inisugu nu Kadenan kanilan a enggulan nilan
asal'a makapugi kanu ingala nu Kadenan a Mapulu.
5 Ka lu ba man nakatindeg su kulesi nu 'bpamangukum
a su kulesi nu tupu nu Daud.
6 Ipangeni-ngeni nu su kalilintad kanu Awrusalim
sa “Pangeni-ngenin tanu i su langun na malimu kanu dalepa a Awrusalim na makapaguyag-uyag sa mapia.
7 Pangeni-ngenin tanu bun i aden kalilintad kanu lusud'u siudad
enggu kanu manga tantawan nin.”
8 Na sabap man kanu manga pagali ku enggu manga pakat ku
na edtalun ku i “San sa leka su kalilintad.”
9 Na sabap man kanu walay a 'bpangadapan kanu Kadenan a Mapulu a Kadenan tanu
na 'bpapangilayn ku su ngin i makagkapia kanu Awrusalim.