Su Kadenan i Pangalaw
Sengal sa kabpawang sa Awrusalim asal'a makasimba.
121
Ibpanandeng ku su mata ku kanu manga bakulud,na nia pakaidsa nu ginawa ku na “Endaw guna pakabpun su tabang sa laki?
2 Su tabang sa laki na pakabpun man kanu Kadenan a Mapulu
a minaden kanu sulega enggu kanu dunia.
3 Di nin isugut a makagebpa ka,
su sekanin a pedtiakap sa leka na dikena pedtulug.
4 Su sekanin a pedtiakap kanu manga taw a Israil
na di man tulatuden atawa ka temulug.
5 Su Kadenan man a Mapulu i pedtiakap sa leka;
su Kadenan a Mapulu i pendalinding enggu pedtapid sa leka;
6 pedtiakapan ka nin magabi sa malamag
tembu apia su senang enggu su ulan-ulan na di ka nin kagkaidan.
7 Su Kadenan a Mapulu na tiakapan ka nin man kanu langun na makagkaid;
ka pedtiakapan nin man su uyag-uyag'engka.
8 Su Kadenan a Mapulu i temiakap sa leka
sa apia endaw ka 'bpawang
iganat saguna taman sa taman.