Su Pangeni-ngeni sa Kabpangeni sa Tabang kanu Kadenan
Sengal sa kabpawang sa Awrusalim asal'a makasimba.
120
Na sia kanu kapedtala ku sa kasimuketan na pakapaguguliang aku sa kapedtawag ku kanu Kadenan a Mapulu,na sinawal aku nin mambu.
2 Nia ku lun pidtalu na “Hu Kadenan a Mapulu, ilipuas aku nengka pan
kanu manga taw a budtuden,
kanu manga taw a tagakalen.”
3 Hu sekanu a manga taw a tagakalen,
na ngin guna i pakaidan sa lekanu?
Ngin guna i isiksa nu Kadenan sa lekanu?
4 Na siksan kanu nin man kanu magalang a asad'u busug'u pabubunua
a aden waga na apuy nin a pedsindaw.
5 Duan-duan ku den a lapu a taw sa dalepa a Misik
a sia pegkaleben kanu manga balung-balung a tuleda kanu dalepa a Kidar.
6 Nauget den i kapegkaleben ku sia
a kaped'u manga taw a di malilini sa kalilintad.
7 Saki na nia ku pebpapangilayn na kalilintad
ugaid'a uman aku edtalu pantag sa kalilintad
na silan menem na nia nilan 'gkalilinian na kambunua.