Su Kabpagingapa sa Kabpamelipuas'u Kadenan
Sengal sa kabpawang sa Awrusalim asal'a makasimba.
130
Hu Kadenan a Mapulu, sabap kanu sangat a kapegkapasang sa laki na pakatawag aku sa leka 'bpangeni sa tabang.2 Hu Kadenan a Mapulu, pakikineg ka su suala ku,
pakikineg ka pan su kabpananawag ku 'bpangeni sa leka sa tabang.
3 Hu Kadenan a Mapulu, amaika inisulat'engka bu man su manga kabaladusan nami
na dala masama sa lekami a mapakay a makadtindeg kanu kaadapan nengka.
4 Ugaid'a 'bpagampunen kami nengka man
ka enggu nami seka kapagadatan enggu ikagilek.
5 Hu Kadenan a Mapulu, 'bpagingapan ku seka,
su inam ku na sia kanu kadtalu nengka.
6 Su kabpagangapa ku sa leka
na minuna pan kanu taw a 'bpangingapa sa kauma na mapita,
minuna pan kanu tameng a 'bpangingapa sa kauma na mapita.
7 Hu sekanu a pagidsan ku a manga taw a Israil,
salig kanu kanu Kadenan a Mapulu ka sangat man a malimu sekanin
enggu adil a benal sekanin sa kapamelipuas'in.
8 Sekanin i lemipuas kanu manga taw a Israil kanu langun nu kabaladusan nilan.