Su manga Makagaip a Pinggula nu Kadenan sa kanu Kinapaliu nin kanu manga Taw a Israil sa Egypt
114
Na kanu kinaganat'u manga taw a Israil a su manga tupu nu Yakuba ebpun sa dalepa a Egypt a sakabias i basa nin kanilan
2 na nabaluy su Yahuda a suti a dalepa nu Kadenan
enggu pindatuan nu Kadenan su Israil.
3 Na guna sekanin mailay nu Maliga a Lagat na midsisi su entu.a
Na su lawas'a ig'u Jordan na mimbalikuat su leges'in.b
4 Nangakuyung su manga palaw a mana kambing a namakabpapakulut.
Na su manga bakulud na mana manga pipis'a bili-bili a pebpapakulut.
5 Hu Maliga a Lagat, ngintu ka midsisi ka?
Hu lawas'a ig'u Jordan, ngintu ka mimbalikuat i leges'engka?
6 Hu manga palaw, ngintu ka nangakuyung kanu a mana kambing a namakabpapakulut?
Hu manga bakulud, ngintu ka mana kanu manga pipis'a bili-bili a pebpapakulut?
7 Hu dunia, dait a kemegkel ka na gilek sia kanu adapan nu Kadenan a Mapulu
a Kadenan nu Yakub.
8 Sekanin i napatuga kanu ig lu kanu masela a watu
a nabaluy a lawas'a ig.c