Su Kapamalihala kanu Taw a Matidtu
112
Pugin su Kadenan a Mapulu!Mapia den a benal kanu taw a magilek kanu Kadenan a Mapulu
a nia nin kalilinian na su kanggulalan nin kanu manga kasuguan nin.
2 Su manga muliataw nilan na embantas kanu dalepa nilan;
kapamalihalan su muliataw nu taw a matidtu.
3 Su kaaden enggu su kakawasan na lu kanu sakambinabatan nilan
enggu su katidtu nilan na taman sa taman.
4 Na su manga matidtu a taw na palitan silan sia kanu kalibutengan nu manga taw a malimu,
aden lat a nanam'in kanu ped'in enggu ikelas i atay nin.
5 Na mapia den a benal kanu taw a mangalimuan enggu semunged kanu ped'in
enggu matidtu sia kanu kapamantiali nin.
6 Ka nanget man a di magkeleng-keleng su taw a matidtu;
di silan kalipatanan taman sa taman.
7 Di silan magilek kanu manga mawag a katigan
kagina mabagel i salig'ilan kanu Kadenan a Mapulu.
8 Su pamusungan nilan na malilintad enggu dala gilek'in,
na nia nin kaulianan na mailay nilan i katabanan su manga kuntela nilan.
9 Na 'bpangenggan nilan su manga taw a miskinan
enggu su katidtu nilan na taman sa taman;
'gkabagel silan taman sa badtugen silan.a
10 Na malipunget su manga taw a dupang amaika mailay nilan su entu;
mamegkiget su manga bagang'ilan sa sakit'a ginawa enggu 'gkakalubay silan taman sa madala silan.
Na su 'gkapangingalap man nu dupang a taw na di embantas.