Su Pasad'u Datu
Sengal'u Daud.
101
Hu Kadenan a Mapulu, edsengalen ku su pantag kanu sangat a kakalimu nengka enggu kanu kawagib'engka;edsengal aku sa kapugi sa leka.
2 Tuntayan ku su kapaguyag-uyag a dala tila nin.
Na kanu pan guna i kagkadtag'engka edtabang sa laki?
Inggulalan ku su katidtu kanu tulugan ku,
3 di ku sugutan a mailay nu mata ku sia kanu adapan ku
su apia ngin a dala katagan nin.
'Gkabensian ku su galebekan nu manga taw a pedtaligkud kanu Kadenan;
di ku sugutan a makasupeg silan sa laki.
4 Tangkan ku su bigkug a galebekan;
di aku magigiamung kanu galebekan a mawag.
5 Na binasan ku su taw a 'bpanila-tila kanu pagubay nin.
Di ku sugutan su kapulu na muletad enggu su kasandag.
6 Kasuatan ku su manga taw a kasaligan sia kanu kalupan
ka enggu silan makagkaleben sia a kaped ku;
na apia entain i maguyag-uyag sa dala tila nin
na sugutan ku a makanggalebek sia sa laki.
7 Di ku sugutan a makadtangen kanu tulugan ku
su manga taw a salimbuten;
di ku bun sugutan a makadtangen kanu adapan ku
su manga taw a budtuden.
8 Uman-uman gay na pembinasan ku
su langun nu taw a dupang kanu kalupan;
ibpagawa ku su langun nu penggalebek sa mawag
sia kanu siudad'u Kadenan a Mapulu.