Su Sengal a Pugi kanu Kadenan a Mapulu
Sengal sa kadsukul-sukul.
100
Su sekanu a manga taw sa lusud'a dunia, na edsengal kanu sa matanug sa aden kagalaw nin kanu Kadenan a Mapulu.2 Simba nu su Kadenan a Mapulu sa aden kapia na ginawa nin.
Supeg kanu, kanu adapan nin a edsesengal kanu sa pugi sa lekanin.
3 Talima nu i su Kadenan a Mapulu su Kadenan.
Sekanin i minaden sa lekitanu tembu nalusud tanu sa lekanin;
sekitanu su manga taw nin a mana manga bili-bili a pedtiakapan nin lu kanu panadtaban.
4 Ludep kanu, kanu bengawan nu suti a 'bpangadapan sa lekanin sa aden kadsukul-sukul'in
enggu lu kanu lama-lama nin a pebpugi sa lekanin.
Edsukul-sukul kanu sa lekanin enggu pugi nu su ingala nin.
5 Kagina su Kadenan a Mapulu na sangat man i kapia nin.
Su sangat a kakalimu nin na taman sa taman
enggu su katidtu nin na taman kanu langun nu mamakatundug pan a manga muliataw.