Su Kabarakat'u Kadatu nu Kadenan
93
Su Kadenan a Mapulu na sekanin su pendatu. Barakat sekanin,su kapegkagaga nin na mana su lambung a 'bpagusalen nu datu.a
Mabagel i kinapatindeg'in kanu dunia, tembu di a benal magkeleng-keleng.
2 Su kulesi nengka na nakatindeg den iganat pan sa ganatan;
lu ka den iganat pan kanu punan-punan.
3 Hu Kadenan a Mapulu, su bagel'u lagat na makin bun 'bpangiseg,
su dagus'u bagel na mana katanug'a lugung,
su kapembagel'u lagat na makin 'bpangiseg i katanug'in.
4 Ugaid'a seka, Hu Kadenan a Mapulu, na labi i kabagel'engka kumin kanu manga bagel'u manga ig a entu a mana lugung i katanug'in,
labi i kabagel'engka kumin kanu manga bagel'u lagat,
labi i kabagel'engka a Kadenan a Mapulu a pendatu a ebpun sa sulega!
5 Su kasuguan nengka na di madsalin-salin.
Hu Kadenan a Mapulu, su kasuti na dait man kanu walay a 'bpangadapan sa leka taman sa taman.