Su Magalaw a Kapaguyag-uyag sa Awrusalim
Sengal'u manga tupu ni Kura.
87
Na su siudad a pinadtindeg'u Kadenan a Mapulu na lu kanu suti a palaw nin.2 Sangat a 'gkasuatan nu Kadenan a Mapulu su entu a siudad'in a Zion a lawan pan kanu ped a siudad sa Israil.a
3 Hu siudad'u Kadenan,
na sangat i kapia nin i pedtalun nu manga taw pantag sa leka!
4 Nia nin kadtalu na “Amaika isulat ku su manga dalepa a pegkilala sa laki
na iamung ku su dalepa a Egyptb enggu su dalepa a Babilunia
apeg'u dalepa a Pilistia, dalepa a Tair enggu dalepa a Itiupia.c
Na itimbang silan langun a taw nu siudad a Awrusalim a mana lu bun ba silan pimbata.”
5 Nia kadtalu pantag kanu Zion na
“Su langun nu taw nu uman i bangsa na mana lu bun ba pimbata”
kagina su Kadenan demun a Mapulu sa Langun i mapagkabagel kanu nia a siudad.
6 Na ipasulat'u Kadenan su manga ngala nu manga bangsa
sa nia nin edtalun na “Langun nilan na taw sa Awrusalim.”
7 Na langun nilan na edsesengal enggu edsasagayan
sa nia nilan edtalun na “Langun na palihala tanu na pakabpun sa Awrusalim!”