Su Kadenan i Labi a 'Bpangukum
Su nia a Sengal na inisulat'i Asap.
82
Su Kadenan na pinangunanan nin su masela a kapendidilimudan nu 'bpamangukum'in lu sa sulega;na sia kanu kaadapan nilan na sinugat'in silan sa kawagib
2 sa nia nin pidtalu na “Endaw taman i kapangukum'u sa dikena wagib?
Endaw taman i kalamig'u kanu dupang a taw?
3 Inggay nu man kanu manga taw a dala 'gkagaga nin enggu kanu manga ilu su kawagib'ilan;
dait a ipaninindeg'u su kawagib'u manga taw a pakanasisita enggu su manga taw a 'bpangumisen.
4 Ilipuas'u su manga taw a dala 'gkagaga nin enggu pakanasisita
sia kanu lima nu manga taw a dupang.”
5 Na su entu a manga taw na dala manga tuntay nin enggu dala manga sabut'in,
sia silan 'bpaguyag-uyag kanu kalibutengan;
nakapayapat den kanu pat a pisuk'u dunia su kadupang'ilan.
6 Na pidtalu nu Kadenan i “Saki a Kadenan a Mapulu sa Langun na pedtalun ku i sekanu na manga barakat a pinangadena enggu ipedtimbang ku sekanu langun sa manga wata ku.”
7 Ugaid'a apia ka maitu, na mamamatay kanu bun a mana su manga taw,
edtaman kanu bun a mana su 'gkangaunutan a mamamatay bun.”
8 Hu Kadenan, embangun ka den, kukum ka den su dunia
kagina su langun man nu manga bangsa na leka!