Su Pangeni-ngeni kanu Kadenan sa Kalipuas'in kanu manga Taw nin
Lu i nia pakatumpa kanu 'gkaunutan nu pasesengal. Su Sengal'u Daud a ibpangeni sa tabang kanu Kadenan.
70
Hu Kadenan a Mapulu, 'bpangenin ku sa leka i ilipuas aku nengka;Hu Kadenan, pamagayasi aku den 'gkadtag.
2 Isugut'engka i makagkayaya
enggu mabulibug su manga taw a 'bpangilay sa kapatay ku.
Isugut'engka a makapalalaguy sa kayayan
su manga taw a nia nin pegkiugan na kagkaidan aku.
3 Padtaday ka a makapalalaguy sabap sa kayayan su manga taw a pedsudi sa laki.
4 Ugaid'a su langun nu 'bpangilay sa leka
na sangat a makadsisigalaw silan san sa leka.
Su langun nu 'bpaginagkay kanu kalipuas'engka lun
na tatap'ilan edtalun i “Su Kadenan i labi a pakagaga!”
5 Hu Kadenan a Mapulu, saki na dala 'gkagaga nin enggu pakanasisita,
pamagayasi aku den 'gkadtag.
Ka seka man i pedtabang enggu 'bpelipuas sa laki
tembu da ka den 'bpagangga sa kagkadtag'engka sa laki!