Su Pugi nu manga Bangsa kanu Kadenan
Lu i nia pakatumpa kanu 'gkaunutan nu pasesengal a nia usalen na palabuni-bunian a aden iket'in.
67
Hu Kadenan, lati kami sa nanam enggu palihalai kami nengka,ipailay nengka sa lekami su kapianan nengka
2 asal'a mapayag kanu dunia su manga ukit'engka
enggu su bagel'engka sa kapamelipuas kanu langun nu bangsa.
3 Hu Kadenan, pangeni-ngenin ku i pugin ka nu langun nu bangsa,
pugin ka nu langun nu taw.
4 Pangeni-ngenin ku i makadsisigalaw su manga bangsa enggu makadsengal silan sa aden kagalaw nin
kagina matidtu su kabpangukum'engka
enggu 'bpagagaken nengka sa mapia su manga bangsa.
5 Hu Kadenan, pangeni-ngenin ku i pugin ka nu langun nu bangsa,
pugin ka nu langun nu taw.
6 Na su manga kalupan na 'gkasabpetan na mapia a kauyagan.
Su Kadenan a Kadenan tanu, na pebpalihalan tanu nin.
7 Pangeni-ngenin ku i lalayun tanu palihalan nu Kadenan
ka enggu ikagilek sekanin nu langun na taw kanu pat a pisuk'u dunia.