Su Kadenan i Pedtabang
Lu i nia pakatumpa kanu 'gkaunutan nu pasesengal a nia usalen na palabuni-bunian a aden iket'in. Su mapia a nia a kinasulat lun a Sengal na inisulat'u Daud sa kanu kinalu nu manga taw kanu Saul a ebpun sa Zip sa nia nilan lun pidtalu na “'Bpagena sia sa lekami si Daud.”
54
Hu Kadenan, sia kanu ingala nengka na ilipuas aku nengka,sia kanu kapegkagaga nengka na ipailay nengka i dala kadupangan ku.
2 Hu Kadenan, pakikineg ka su pangeni-ngeni ku,
pakikineg ka su langun nu pedtalun ku.
3 Kagina 'bpelusudan aku nu manga taw a lapu ka kiugan aku nilan mimatay.
Dala lat a nanam'ilan enggu dala gilek'ilan sa leka a Kadenan.
4 Ugaid'a seka, Hu Kadenan, i pedtabang sa laki,
seka a Kadenan a Mapulu i pedsapipi sa laki.
5 Pangeni-ngenin ku i iuli nengka kanu manga kuntela ku su mawag a galebek'ilan,
sia kanu katidtu nengka na ibped ka silan mimatay.
6 Na maluwag kanu ginawa ku i kagkurban ku sa leka.
Hu Kadenan a Mapulu, pugin ku su ingala nengka sabap kanu kapianan nengka.
7 Kagina seka i linemipuas sa laki kanu langun nu kasimuketan
enggu nambamatan ku demun su kinatalaw nu manga kuntela ku.