Su Ula-ula nu Taw
Lu i nia pakatumpa kanu 'gkaunutan nu pasesengal a nia usalen na palabuni-bunian a bedtuan sa Mahalat.a Su nia a Sengal a mapia i kinaumbal lun na inisulat'u Daud.
53
Su manga taw bu a babal i edtalu kanu atay nilan sa “Dala Kadenan!”Su entu ba a manga taw na manga dupang, penggula sa pakangingili a galebek
enggu dala isa bu kanilan i penggalebek sa mapia.
2 Su Kadenan a lu sa sulega na pedtulungan nin su manusia sia sa dunia
ka 'bpagilayn nin u aden pamun kanilan i balaitungan
a mangilay sa lekanin a Kadenan.
3 Namakasibay den silan langun, nabaluy den silan langun a dupang;
dala isa bu kanilan i penggalebek sa mapia, apia sakataw na dala.
4 Ngintu, su nia a manga taw a penggula sa mawag na dala demun manga sabut'in?
Inibped'ilan mamungkaid su manga taw nu Kadenan a Mapulu.
Di demun silan mangadap kanu Kadenan a Mapulu.
5 Ugaid'a aden gay a kukuken silan na gilek,
a su gilek a entu a dala nilan pamun matala paganay.
Kagina itagayak'u Kadenan su manga tulan nu manga kuntela nu;
na makagkayaya silan sabap sa inikias silan nu Kadenan.
6 Ipangeni-ngeni ku i ilipuas den nu ebpun sa Zionb su manga taw a Israil.
Na amaika imbalingan den nu Kadenan su kapamalihala nin kanu manga taw nin
na su langun nu tupu nu Yakub a manga taw a Israil na makadsisigalaw.