Su Sengal a Pedsengalen kanu Kapegkawing kanu Datu
Lu i nia pakatumpa kanu 'gkaunutan nu pasesengal a nia usalen a legku na bedtuan sa “Manga Ulak a Lili.” Su nia a Sengal a mapia i kinaumbal lun na inisulat'u manga tupu ni Kura.
45
Su pamusungan ku na 'bpamelapay na mangapia a kangadtalu.Na inumbal ku i nia a sengal a edsengalen kanu datu,
na su dila ku na mana su kategel'u mategel a pasusulat.
2 Hu datu, dala man makalawan kanu kapia na palas'engka sia sa dunia,
su ngali nengka na napenu na mangapia a kangadtalu
tembu mapayag a benal i lalayun sa leka su palihala nu Kadenan.
3 Hu datu a pabubunua, itagkip'engka kanu takilidan nengka su sundang'engka,
sangat man i kabadtug'engka enggu su kapegkagaga nengka.
4 Ipayag den su kabadtugan nengka,
manaban ka sa kanu kabpaninindeg'engka kanu bantang enggu kanu ngin i wagib.
Sia makanggulalan kanu kapegkagaga nengka na makanggula ka sa manga makasabalang a galebek.
5 Su asad'u busug'engka na madidis enggu magalang
a makasugat kanu pamusungan nu kuntela nengka;
mangaudtang su manga bangsa kanu ay nengka.
6 Hu Kadenan, su kulesi nu kadatu nengka na taman sa taman
enggu matidtu su ukit'u kandatu nengka.a
7 'Gkasuatan nengka su ngin i mapia enggu 'gkabensian nengka su ngin i mawag.
Tembu su Kadenan a Kadenan nengka na pinamili ka nin.
Inenggan ka nin sa kagalaw a labi lawan pan kumin kanu manga tagapeda nengka.b
8 Su manga lambung'engka na pinagkamut sa kamutan a mira, alu enggu kasia.
Lu kanu tulugan nengka a sangat i kapia nin na papegkagalawn ka nu manga palabuni-bunian a aden iket'in.
9 Na ped kanu manga babay a 'bpagadatan kanu tulugan nengka na manga wata-babay nu manga datu;
na sia kanu tampal kanu kawanan nengka na pedtindeg su 'gkagkaluma nengka a puteli a mimbulawan sa bulawan a ebpun sa Upir.
10 Hu puteli na pakikineg ka pan su pedtalun ku,
lipatani ka den su manga taw nu dalepa nengka enggu su manga suled'engka.
11 Su datu na nabimban nu kapia na palas'engka.
Na kagina ka sekanin i mapulu nengka na pagadati ka sekanin.
12 Su manga tawc nu dalepa a Tair na pamananggitan ka nilan sa manga makaenggay nilan sa leka,
apia su manga kawasa na panunuaten ka nilan sa kanilan a kapianan.
13 Na su puteli kanu bilik'in na pedsigay su kanisan nin a nakambalegkas sa lambung a binurdan sa bulawan.
14 Ipedsigkil sekanin lu kanu datu a nakaselub'in su entu a lambung a pidsugan sa madakel
a kaped'in su manga laga a abay.
15 Na sangat a 'gkangagalaw silan
sia kanu kabpeludep'ilan kanu tulugan nu datu.
16 Hu datu, su manga muliataw nengka a mama na mabaluy silan a manga datu a mana bun su manga kaapuan nengka;
mabaluy nengka silan a manga datu nu manga dalepa.d
17 Ipagkalendem ku su ingala nengka kanu manga temundug pan a muliataw,
ka amaika maitu, na pugin ka nu manga taw taman sa taman.