Su Pangeni-ngeni kanu Timpu na Kamasengetan
43
Hu Kadenan a Mapulu, ipailay nengka i dala pinggula ku a mawag,ipaninindeg aku nengka kanu manga taw a dikena pedsimba sa leka.
Ilipuas aku nengka kanu manga taw a salimbuten enggu tagakalen.
2 Ka seka man su Kadenan a 'bpangelung sa laki;
ngintu ka tinaligkudan aku nengka?
Ngintu ka dait pan a mukit aku sa kalidu na ginawa
kanu kabpagumis'u manga kuntela ku sa laki?
3 Hu Kadenan a Mapulu, itayaw nengka pan sa laki su sigay nengka enggu ipamandu nengka sa laki su kabantang'engka
a makaagak sa laki sa kambalingan ku kanu suti a palaw nengka,
lu kanu walay a 'bpangadapan sa leka.
4 Ka amaika maitu, na makalu aku kanu pegkurbanan sa leka
a Kadenan ku a su 'gkabpunan nu sangat a kagalaw ku.
Hu Kadenan a Kadenan ku, paunin ku su palabuni-bunian a kutiapi sa kapugi ku sa leka.
5 Tembu ngintu ka pedtegka i manggiginawa ku?
Ngintu ka 'gkalingasa i ginawa ku?
Su Kadenan man i dait a inam ku, tembu 'bpapalumanan ku sekanin mugi
a Kadenan ku a 'bpelipuas sa laki.