Su Kadenan i Tidtu a Pedtuganul sa Laki
Su nia a Sengal na inisulat'u Daud.
23
Su Kadenan a Mapulu i pedtuganul sa laki,da den nasisita ku.
2 Mana aku bili-bili a pebpangintelenen nin lu kanu mapia a 'bpanadtaban.
'Bpagagaken aku nin lu kanu matana a lawas'a ig.
3 Ipembalingan nin su bagel ku.
'Bpagagaken aku nin lu kanu matidtu a lalan
asal'a mabadtug su ingala nin.
4 Apia lu aku paman mukit
kanu nangilem-kilem a baugan
na di aku kagilekan
kagina seka a Kadenan i kaped ku.
Su pegkapetan nengka a ibpametay a pegkelung sa laki enggu su tungked'engka a pedtutulu sa laki
i pakapagkabagel kanu manggiginawa ku.
5 'Bpagadilan aku nengka sa kanduli
sia kanu kaadapan nu manga kuntela ku.
Pembadtugen aku nengka sa ukit a kapembubus'engka sa lana a mamut kanu ulu ku.
'Bpamelapay su dalem'u tagayan ku.
6 Su kapianan nengka enggu su sangat a kakalimu nengka na natatalanged a sia sa laki taman a bibiag aku pan.
Na 'gkaleben aku taman sa taman kanu walay nengka a Kadenan ku a Mapulu.