Su Sengal a Kasalig kanu Kadenan a Mapulu
Lu i nia pakatumpa kanu 'gkaunutan nu pasesengal. Su nia a Sengal na inisulat'u Daud.
11
Pedsalig aku kanu Kadenan a Mapulu sa pangelungan aku nin.Na panun ba i kapedtalu nu sa laki sa
“Awa ka den, ka lu ka den kanu manga palaw a mana su manga papanuk a pendadalayug!
2 Ka ilay nu, bininteng den man nu manga mawag a taw su busug'ilan.
Inisangan nilan den su asad'u busug'ilan
ka enggu nilan mabusug lu kanu malibuteng su manga taw a matidtu.
3 Na amaika su manga pangitaban a palaus'u kapegkamal ka da den maginugut lun
na ngin pan a entu i manggula nu manga taw a matidtu?”
4 Na su Kadenan a Mapulu na lu kanu Suti a 'Bpagagaman nin.
Su kulesi nin na lu sa sulega.
Pedtulikan nin su manusia ka pedsusulimanen nin.
5 Pedsusulimanen nin su penggulan nu matidtu a taw enggu su dupang a taw,
'gkabensian nin su taw a nia nin kalilinian na kasamukan.
6 Paulanan nin sa pegkaleg a waga na apuy enggu pedsebu-sebu a sandawaa su dupang a taw;
mapasambel sekanin sa pakalupang i kayaw nin a makasikesa kanilan.
7 Kagina matidtu man su Kadenan a Mapulu.
Ikalimu nin su taw a ikelas i manga galebek'in
tembu su taw a matidtu na makasupeg sa lekanin.