Su Kapangeni sa Tabang kanu Kadenan a Mapulu
Lu i nia pakatumpa kanu 'gkaunutan nu pasesengal a nia usalen na palabuni-bunian a aden pegkebitan lun a iket a bedtuan sa Siminit. Su nia a Sengal na inisulat'u Daud.
6
Hu Kadenan a Mapulu, di aku nengka pendawaya sia kanu lipunget'engka.Di aku nengka semiksa sa kapatidtu nengka sa laki sia kanu sakit'a ginawa nengka.
2 Lati aku nengka sa nanam ka da den bagel ku;
pagkapia aku den ka su manga tulan ku na pegkalubay den.
3 Hu Kadenan a Mapulu, sangat den a pegkegkel'a gilek su manggiginawa ku.
Kanu pan guna i kapagkapia nengka sa laki?
4 Hu Kadenan a Mapulu, ilipuas'engka pan su umul ku.
Sabap kanu sangat a kakalimu nengka na ilipuas aku nengka.
5 Kagina amaika matay aku den na di ku den seka magkalendem.
Amaika ka lu aku den kanu dalepa nu namamatay na panun pan i kapugi ku sa leka?
6 Sangat a 'gkalugat aku den sa kapegkapasang sa laki.
Uman den magabi na 'gkawasa na lu nu mata ku su ulunan ku enggu su 'bpagigan ku sabap sa kabpaguguliang ku.
7 Na sabap kanu kabpaguguliang ku na malebug den i kapegkailay ku,
'bpelebag den i mata ku sa kabpaguguliang sabap kanu penggulan nu manga kuntela ku.
8 Sekanu a manga penggula sa kadaluakan,
awai aku nu den ka nakineg den nu Kadenan a Mapulu su kabpaguguliang ku.
9 Nakineg'in den su kabpamagayuk ku 'bpangeni sa tabang sa lekanin;
pedsawalen nin den su pangeni-ngeni ku.
10 Na su langun nu kuntela ku na makagkaya den;
sangat a kagilekan silan taman sa matekaw demun silan mamakapalalaguy sabap sa kayayan.