Su Kasalig kanu Kadenan sa Timpu na Dikena Mapia a Manggula
Su nia a Sengal na inisulat'u Daud sa kanu kinapalalaguy nin mawa kanu wata nin a si Absalum.
3
Hu Kadenan a Mapulu, madakel a benal i kuntela ku!Madakel a benal i pedsungkang sa laki.
2 Madakel i pedtalu sa laki sa
di aku nengka kun tabangan.a
3 Ugaid'a seka, Hu Kadenan a Mapulu, i dalinding ku.
Seka i pebpanaban sa laki kanu manga kuntela ku enggu papedtindeg sa laki.
4 Hu Kadenan a Mapulu, tinemawag aku sa leka mangeni sa tabang
na sinawal aku nengka mambu san kanu suti a palaw nengka.
5 Na sabap kanu kapedtiakap'engka sa laki,
na pakatulug aku pamun sa mapia enggu pakagedam aku pamun sa mapia.
6 Di aku 'gkagilekan, apia puluan-ngibu pan
a kuntela i nakabalibet sa laki.
7 Hu Kadenan ku a Mapulu, edtabangi aku pan
ka ilipuas aku nengka.
Pagkaya ka su langun nu kuntela ku.
Iawa nengka kanu manga taw a entu a dupang su kapegkagaga nilan sa kapamungkaid sa laki.
8 Hu Kadenan a Mapulu, seka man i 'bpamelipuas,
pangeni-ngenin ku i palihalan kami nengka a manga taw nengka!