Ika-isa a Kitab'u Nabi Samuil
sia kanu Kitab Taurat
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Na su nia a kitab na pantag kanu Nabi Samuil, su 'bpangurban a si Ili enggu su pinamili nu Kadenan a makandatu kanu manga taw a Israil a su Saul enggu su Nabi Daud. Su Nabi Samuil na isa sekanin kanu manga nabi enggu iganat sa wata pan taman sa kinagkatua nin na pedtapiden sekanin nu Kadenan. Sekanin su nauli a 'bpangukum a 'bpangulu kanu manga taw a Israil kanu timpu a da pan datu nilan. Sekanin bun i napamili nu Kadenan a makasangan sa kadatu kanu manga napamili nu Kadenan a makandatu kanu manga taw a Israil. Na su Saul i muna-muna a napamili a makandatu, entu pan ka su Nabi Daud a nakapatay kani Gulayat a taw a Pilistin a kuntela nu manga taw a Israil.
'Gkadsinantal bun sia su kinambunua nu manga taw a Israil kanu manga taw a Pilistin enggu kinambunua nilan kanu manga taw a Amun enggu manga taw a Amalik.
Nia masela a papedsabutan kanu nia a kitab na su kasalig kanu Kadenan na nia nin unga na kambantas sabap kanu kakalimu nin ugaid'a su kasungkang kanu Kadenan na nia nin unga na kabinasan a mana bun su kadtalu nu Kadenan kanu 'bpangurban a si Ili a “Apia entain i ipulu aku nin na ipulu ku bun ugaid'a apia entain menem i mawa sa laki sa katagan na awan ku bun sa katagan.”