𖼽𖽚 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼮𖽡𖾐 𖼂𖽦𖾐 𖼊𖽑𖽺 𖼺𖽦
9
1 𖼰𖽻𖾑 𖼳𖽨𖾐 𖼷𖽑𖽡𖾐 𖼺𖽙𖾐 \fr 9．1 \ft “𖼰𖽻𖾑 𖼳𖽨𖾐 𖼷𖽑𖽡𖾐 𖼺𖽙𖾐 ” 𖼦𖽑𖽺𖾑 𖼽𖽺𖾐 𖼺𖽪𖾐 𖼺𖽡 𖼀𖽑𖽙 𖼽𖽚𖾐 𖽃𖽙𖾑 𖼄𖽺 𖼖𖽡𖾐 𖼦𖽑𖽙𖾐 𖼳𖽶 𖼷𖽑𖽡𖾐 𖼺𖽙𖾐 𖼞𖽑𖽚 𖼺𖽕𖾐 𖼣𖽕𖾐 𖼳𖽨𖾐 𖼊𖽦𖾐 𖼳𖽶 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼣𖽻𖾐． 𖼞𖽑𖽶𖾑 𖼊𖽑𖽡 𖼐𖽑𖽡𖾐， 𖼈𖽪𖾐 𖼍𖽦 𖼞𖽑𖽙𖾐 𖼄𖽪𖾑 𖼍𖽴𖾑 𖼐𖽺𖾐 𖼺𖽪𖾑 𖼮𖽑𖽙𖾐 𖼖𖽙𖾐 𖼮𖽑𖽻𖾐 𖼂𖽺𖾐 𖼊𖽻𖾐 𖼞𖽑𖽶𖾑 𖼮𖽶𖾐， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼠𖽕 𖼊𖽡 𖼮𖽑𖽻 𖼺𖽪𖾐 𖼮𖽡𖾐 𖼂𖽦𖾐 𖼞𖽑𖽶𖾑 𖼹𖽻𖾐， 𖼞𖽚 𖼀𖽑𖽚𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼮𖽑𖽢𖾑 𖼽𖽻 𖼈𖽳𖾐 𖼊𖽑𖽺 𖼠𖽕 𖼍𖽡 𖼦𖽑𖽙𖾐． 2 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼞𖽑𖽙𖾐 𖼠𖽕 𖼞𖽳𖾐 𖼄𖽡𖾐 𖼊𖽺𖾐， 𖼽𖽻 𖼄𖽳𖾑 𖼖𖽪𖾐 𖼞𖽑𖽶𖾐 𖼷𖽙𖾐 𖼖𖽙𖾐 𖼻𖽶𖾑 𖼖𖽻𖾐， 𖼽𖽻 𖼈𖽳𖾐 𖼊𖽑𖽺 𖼦𖽹𖾑 𖼊𖽡 𖼮𖽑𖽻 𖼺𖽪𖾐 𖼞𖽑𖽶𖾑 𖼹𖽻𖾐 𖼊𖽑𖽺 𖼺𖽦 𖼽𖽡𖾐 𖼊𖽻𖾐 𖼞𖽑𖽶𖾑 𖼮𖽶𖾐， 𖼽𖽻 𖼈𖽳𖾐 𖽃𖽙𖾑 𖼄𖽺 𖼦𖽑𖽡𖽚 𖼻𖽺𖾐 𖼊𖽙𖾐 𖼺𖽪𖾐 𖼷𖽑𖽻𖾐 𖼄𖽔 𖼮𖽻𖾐， 𖼞𖽪𖾐 𖼮𖽡𖽺𖾐 𖼞𖽑𖽙𖾐 𖼣𖽻𖾐 𖼳𖽶 𖼀𖽑𖽙 𖼖𖽺𖾑 𖼽𖽻 𖼈𖽳𖾐 𖼊𖽑𖽺 𖼮𖽡𖽮𖾐． 3 𖼞𖽑𖽙𖾐 𖼮𖽑𖽡𖾐 𖼊𖽪 𖼞𖽳𖾐 𖼈𖽪𖾑 𖼷𖽪𖾐、 𖼷𖽶 𖼄𖽻 𖼐𖽺𖾐 𖼈𖽪𖾐 𖼍𖽦 𖼖𖽙𖾐 𖼀𖽙𖾐 𖼄𖽡𖽻 𖼂𖽺𖾐 𖼺𖽪𖾐 𖼷𖽑𖽻𖾐， 𖼞𖽪𖾐 𖼮𖽡𖽺𖾐 𖼄𖽚𖾑 𖼍𖽡 𖼠𖽺 𖼖𖽙𖾐 𖼮𖽡𖽮𖾐 𖼺𖽺𖾑 𖼄𖽳𖾑 𖼄𖽳 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼖𖽙𖾐 𖼂𖽻𖾐． 4 𖼄𖽚𖾑 𖼍𖽡 𖼠𖽺 𖼈𖽪𖾐 𖼍𖽦 𖽂𖽚 𖼞𖽑𖽶𖾐 𖼷𖽶 𖼊𖽺𖾐 𖼈𖽳 𖼮𖽻𖾐， 𖼽𖽻 𖼞𖽳𖾐 𖼄𖽡𖾐 𖼊𖽻 𖼞𖽑𖽙𖾐 𖼮𖽑𖽡𖾐 𖼊𖽪 𖼦𖽑𖽺 𖼮𖽨𖾐 𖼦𖽑𖽻𖾐， 𖼽𖽻 𖼞𖽳𖾐 𖼷𖽶 𖼊𖽺𖾐 𖽂𖽙𖾐 𖼮𖽻𖾐 𖽂𖽙𖾐 𖼈𖽳．5 𖼦𖽑𖽺𖾑 𖼻𖽻𖾐 𖼣𖽻𖾐 𖼺𖽺𖾑， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼽𖽻 𖼈𖽳𖾐 𖼞𖽳𖾐 𖼮𖽡𖾐 𖼂𖽦𖾐 𖼞𖽑𖽙𖾐 𖼣𖽻𖾐 𖼊𖽑𖽺 𖼺𖽦 𖼦𖽑𖽙𖾐， 𖽃𖽔𖾑 𖼊𖽑𖽙 𖼻𖽜 𖼄𖽳𖾑 𖼄𖽳 𖼊𖽑𖽺 𖼺𖽦 𖼮𖽡𖽦 𖼦𖽑𖽙𖾐， 𖼽𖽻 𖼈𖽳𖾐 𖽃𖽔 𖼊𖽺𖾐 𖼂𖽺𖾐 𖼊𖽡 𖼮𖽑𖽻 𖽃𖽔 𖼊𖽺𖾐 𖼂𖽺𖾐． 6 𖼳𖽪𖾐 𖼳𖽔𖾐 𖼖𖽪𖾐 𖼞𖽑𖽶𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼮𖽑𖽢𖾑 𖼺𖽦 𖼦𖽑𖽙𖾐 𖼺𖽪𖾐 𖼣𖽙 𖼦𖽑𖽙𖾐 𖼽𖽚𖾐 𖼮𖽻𖾐． 7 𖼽𖽻 𖼈𖽳𖾐 𖼹𖽦𖾑 𖼂𖽔𖾐 𖼳𖽔𖾐 𖼍𖽕𖾑 𖼊𖽑𖽔𖾐、 𖼍𖽕 𖼇𖽜𖾐、 𖼽𖽕𖾑 𖼺𖽶𖾐 𖼀𖽑𖽕𖾑 𖼊𖽑𖽔𖾐、 8 𖼀𖽑𖽙𖾑 𖼖𖽔𖾐 𖼊𖽑𖽔𖾐、 𖼽𖽕𖾑 𖼍𖽕𖾑 𖼖𖽡𖾑 𖼽𖽔、 𖼽𖽕𖾑 𖼖𖽡𖾑 𖼍𖽕𖾑 𖼊𖽑𖽔𖾐、 9 𖼀𖽑𖽕𖾑 𖼄𖽔 𖼺𖽶𖾐 𖼊𖽑𖽔𖾐、 𖼽𖽕𖾑 𖼖𖽡𖾑 𖼺𖽦𖾑、 𖼽𖽕𖾑 𖼖𖽡𖾑 𖼍𖽦𖾑 𖼐𖽺𖾐𖽂𖽗 𖼽𖽺𖾐 𖼺𖽔 𖼊𖽑𖽔𖾐 𖼊𖽑𖽺 𖼺𖽦 𖼦𖽑𖽙𖾐， 10 𖼦𖽑𖽺𖾑 𖼷𖽑𖽡𖾐 𖼽𖽚𖾐 𖼞𖽑𖽶𖾑 𖼦𖽔𖾐 𖼄𖽡 𖼍𖽕𖾑 𖼊𖽑𖽔𖾐 𖼞𖽳𖾐 𖼖𖽡𖾑 𖼂𖽙𖾑、 𖼦𖽔𖾐 𖼄𖽕𖾑 𖼞𖽳𖾐 𖼻𖽙 𖼣𖽻𖾐， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼽𖽻 𖼈𖽳𖾐 𖼮𖽡𖾐 𖼂𖽦𖾐 𖼞𖽳𖾐 𖼄𖽡𖽻 𖼐𖽑𖽡 𖼮𖽡 𖼷𖽙𖾐 𖼄𖽔 𖼐𖽻𖾑 𖼂𖽡 𖼽𖽡𖾐．
11 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼳𖽪𖾐 𖼳𖽔𖾐 𖼖𖽪𖾐 𖼞𖽑𖽶𖾐 𖼺𖽦 𖼦𖽑𖽙𖾐 𖼺𖽪𖾐 𖼷𖽑𖽻𖾐， 𖼞𖽑𖽙 𖼄𖽙𖾐 𖼮𖽻𖾐 𖼞𖽑𖽶𖾑 𖼀𖽦𖾐 𖼈𖽪𖾐 𖼍𖽦 𖼖𖽙𖾐 𖼰𖽨𖾐 𖼦𖽑𖽙𖾐． 12 𖼈𖽪𖾐 𖼍𖽦 𖼽𖽻 𖼄𖽳 𖼻𖽙 𖼽𖽡 𖼺𖽶𖾐 𖼊𖽑𖽡𖽦 𖼊𖽑𖽺 𖼊𖽻 𖼐𖽙𖾐：“𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼳𖽪𖾐 𖼳𖽔𖾐 𖼖𖽪𖾐 𖼞𖽑𖽶𖾐， 𖼷𖽑𖽻𖾐 𖼣𖽙 𖼦𖽑𖽙𖾐 𖼽𖽚𖾐 𖼺𖽦 𖼦𖽑𖽙𖾐， 𖼹𖽦𖾑 𖼦𖽔𖾐 𖼄𖽕𖾑 𖼞𖽳𖾐 𖼻𖽙 𖼷𖽑𖽡𖾐 𖼽𖽚𖾐 𖼊𖽑𖽺 𖼺𖽦 𖼦𖽑𖽙𖾐， 𖼠𖽳𖾐 𖼖𖽪𖾐 𖼄𖽡𖾐 𖼊𖽺𖾐 𖼞𖽳𖾐 𖼽𖽻 𖼈𖽳𖾐 𖽃𖽔 𖼊𖽺𖾐 𖼂𖽺𖾐 𖼽𖽡𖾐 𖼦𖽑𖽙𖾐 𖼐𖽺𖾑？ 𖽃𖽔𖾑 𖼄𖽳𖾐 𖼐𖽑𖽡𖾐 𖽃𖽔 𖼊𖽺𖾑 𖼳𖽶 𖼖𖽡𖾐， 𖼣𖽙𖾐 𖼷𖽑𖽜𖾑 𖼷𖽑𖽜𖾐 𖼐𖽑𖽡𖾐 𖼊𖽑𖽺 𖼞𖽜 𖼊𖽻𖾐， 𖼐𖽑𖽡𖾐 𖽃𖽔 𖼊𖽺𖾑 𖼳𖽶 𖼮𖽑𖽡 𖼮𖽡𖽺𖾐 𖼣𖽙𖾐 𖼐𖽑𖽡𖾐 𖼖𖽙𖾐 𖼀𖽙𖾐 𖼂𖽺𖾐 𖼀𖽑𖽢 𖼊𖽻𖾐．”
13 𖼽𖽡 𖼺𖽶𖾐 𖼊𖽑𖽡𖽦 𖼊𖽻 𖼞𖽑𖽚：“𖼈𖽪𖾐 𖼍𖽦 𖼐𖽑𖽡𖾐 𖼦𖽶𖾐 𖼊𖽑𖽡𖾑 𖼣𖽻𖾐， 𖼳𖽪𖾐 𖼳𖽔𖾐 𖼖𖽪𖾐 𖼞𖽑𖽶𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼞𖽜， 𖽃𖽔𖾑 𖼞𖽶𖾐 𖼐𖽑𖽡𖾐 𖼖𖽺𖾑 𖼈𖽪𖾐 𖼍𖽦 𖼞𖽳𖾐 𖼺𖽪𖾑 𖼮𖽑𖽙𖾐 𖼖𖽙𖾐 𖼮𖽑𖽻𖾐 𖽃𖽙𖾑 𖼐𖽑𖽡𖾐 𖼖𖽙𖾐 𖼺𖽶𖾑 𖼮𖽡𖾐 𖼂𖽦𖾐 𖼊𖽑𖽺 𖽂𖽙𖾐 𖼺𖽦 𖼊𖽙𖾐 𖼖𖽡𖾐， 𖼹𖽦𖾑 𖼦𖽔𖾐 𖼄𖽕𖾑 𖼞𖽳𖾐 𖼻𖽙 𖼞𖽑𖽶𖾑 𖼷𖽑𖽡𖾐 𖼽𖽚𖾐 𖼊𖽑𖽺 𖼀𖽑𖽨 𖼺𖽧𖾐 𖼷𖽻𖾐 𖼊𖽑𖽺 𖼠𖽕𖾑 𖼍𖽪𖾐 𖼖𖽡𖾐．”
14 𖼈𖽪𖾐 𖼍𖽦 𖼞𖽳𖾐 𖼄𖽪𖾑 𖼊𖽻 𖼐𖽺𖾐 𖼺𖽪𖾑 𖼮𖽑𖽙𖾐 𖼦𖽑𖽺𖾑 𖼳𖽪𖾐 𖼳𖽔𖾐 𖼖𖽪𖾐 𖼞𖽑𖽶𖾐 𖼦𖽑𖽺 𖼮𖽨𖾐 𖼦𖽑𖽻𖾐， 𖽃𖽔𖾐 𖼺𖽺𖾑 𖼈𖽪𖾐 𖼍𖽦 𖼀𖽦𖾐， 𖼦𖽔𖾐 𖼄𖽕𖾑 𖼞𖽳𖾐 𖼻𖽙 𖼞𖽑𖽶𖾑 𖼷𖽑𖽡𖾐 𖼽𖽚𖾐 𖼊𖽑𖽺 𖼀𖽑𖽨 𖼺𖽧𖾐 𖼷𖽻𖾐 𖼊𖽑𖽺 𖼠𖽕𖾑 𖼍𖽪𖾐 𖼖𖽡𖾐． 15 𖼰𖽻𖾑 𖼳𖽨𖾐 𖼷𖽑𖽡𖾐 𖼖𖽡𖾐 𖼞𖽑𖽶𖾑 𖼊𖽑𖽡 𖼐𖽑𖽡𖾐， 𖼳𖽪𖾐 𖼳𖽔𖾐 𖼖𖽪𖾐 𖼞𖽑𖽶𖾐 𖼮𖽻𖾐 𖼺𖽪𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼷𖽙𖾐 𖼖𖽙𖾐 𖼻𖽶𖾑 𖼖𖽻𖾐， 𖼖𖽪𖾐 𖼞𖽑𖽶𖾐 𖼮𖽻𖾐 𖼺𖽪𖾐 𖼷𖽑𖽻𖾐 𖼺𖽙𖾐 𖼦𖽑𖽙𖾐 𖼽𖽚𖾐 𖼊𖽑𖽺 𖼺𖽦 𖼦𖽑𖽙𖾐， 𖼽𖽻 𖼈𖽳𖾐 𖼞𖽳𖾐 𖼄𖽡𖽻 𖼐𖽑𖽡 𖼮𖽡 𖼷𖽙𖾐 𖼄𖽔 𖼐𖽻𖾑 𖼂𖽡𖾐 𖼽𖽡𖾐．
16 𖼈𖽪𖾐 𖼍𖽦 𖼠𖽕 𖼺𖽪𖾐 𖼠𖽳𖾐 𖼖𖽪𖾐 𖼄𖽡𖾐 𖼊𖽺𖾐 𖼞𖽳𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐， 𖼄𖽳𖾑 𖼄𖽳 𖼷𖽙𖾐 𖼖𖽙𖾐 𖼻𖽶𖾑 𖼖𖽻𖾐， 𖼽𖽻 𖼄𖽳𖾑 𖼈𖽪𖾑 𖼠𖽻𖾐 𖽂𖽙𖾐 𖼠𖽙𖾑 𖼖𖽡𖾐 𖼖𖽙𖾐 𖼀𖽙𖾐 𖼺𖽺𖾑， 𖼽𖽻 𖼈𖽳𖾐 𖼮𖽡𖾐 𖼂𖽦𖾐 𖼊𖽑𖽺 𖼖𖽦 𖼂𖽚𖾐， 𖼽𖽻 𖼈𖽳𖾐 𖼮𖽡𖾐 𖼂𖽦𖾐 𖼊𖽑𖽺 𖼳𖽶 𖼄𖽺 𖼣𖽙𖾐 𖼍𖽪𖾐 𖼽𖽚𖾐 𖼺𖽦 𖼦𖽑𖽙𖾐， 𖼮𖽡 𖼷𖽙𖾐 𖼄𖽡𖽻 𖼐𖽑𖽡 𖼽𖽻 𖼈𖽳𖾐 𖼄𖽔 𖼐𖽻𖾑 𖼂𖽡𖾐 𖼽𖽡𖾐． 17 𖼦𖽑𖽺𖾑 𖼰𖽻𖾑 𖼳𖽨𖾐 𖼷𖽑𖽡𖾐 𖼺𖽙𖾐 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼞𖽳𖾐 𖼄𖽡𖽻 𖼣𖽻𖾐， 𖼷𖽑𖽡𖾐 𖼖𖽡𖾐 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼐𖽙 𖼺𖽙𖾐 𖽂𖽙𖾐， 𖼦𖽑𖽺𖾑 𖼊𖽑𖽡 𖼐𖽑𖽡𖾐 𖼻𖽜 𖼺𖽺𖾑 𖼻𖽦 𖼷𖽙 𖼞𖽜𖾐 𖼺𖽜𖾐 𖼞𖽳𖾐 𖼐𖽑𖽡𖾐 𖼦𖽑𖽦 𖼂𖽺𖾐． 18 𖼦𖽑𖽻𖾐 𖼊𖽑𖽻𖾐， 𖼳𖽪𖾐 𖼳𖽔𖾐 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐， 𖼷𖽑𖽡𖾐 𖼺𖽙𖾐、 𖼷𖽑𖽡𖾐 𖼖𖽡𖾐 𖼦𖽑𖽺𖾑 𖼐𖽑𖽡 𖼐𖽑𖽡𖾐 𖼷𖽙𖾐 𖼖𖽙𖾐 𖼻𖽶𖾑 𖼖𖽻𖾐 𖼽𖽻 𖼈𖽳𖾐 𖼞𖽳𖾐 𖼮𖽡𖾐 𖼂𖽦𖾐 𖼊𖽑𖽺 𖼺𖽦， 𖼷𖽑𖽡𖾐 𖼣𖽙 𖼊𖽑𖽡 𖼐𖽑𖽡𖾐 𖼐𖽙 𖼺𖽙𖾐 𖽂𖽙𖾐 𖼻𖽦 𖼷𖽙 𖼞𖽜𖾐 𖼺𖽜𖾐 𖼞𖽳𖾐 𖼐𖽑𖽡𖾐 𖼦𖽑𖽦 𖼂𖽺𖾐． 19 𖽃𖽔𖾐 𖼺𖽺𖾑， 𖼖𖽪𖾐 𖼰𖽻𖾐 𖼄𖽔 𖼊𖽴𖾐 𖼞𖽳𖾐 𖼮𖽑𖽡𖽦𖾐 𖼠𖽻𖾐 𖼞𖽑𖽶𖾐 𖼮𖽻𖾐 𖼺𖽪𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐， 𖼄𖽳𖾑 𖼄𖽳 𖼰𖽻𖾑 𖼳𖽨𖾐 𖼷𖽑𖽡𖾐 𖼖𖽡𖾐 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼻𖽦 𖼷𖽙𖾐 𖼂𖽺𖾐 𖼷𖽙， 𖼄𖽡𖽻 𖼐𖽑𖽡 𖼈𖽺𖾐 𖼷𖽙𖾐 𖼖𖽙𖾐 𖼞𖽜．
20 𖼄𖽚𖾑 𖼍𖽡 𖼠𖽺 𖼄𖽡𖽻 𖼦𖽑𖽺𖾑 𖼹𖽻𖾐 𖼈𖽝 𖼹𖽺𖾐 𖼖𖽻𖾐， 𖼈𖽺𖾐 𖼺𖽪𖾑 𖼮𖽑𖽙𖾐 𖼦𖽑𖽙𖾐 𖼺𖽪𖾐 𖼞𖽜 𖼦𖽑𖽙𖾐 𖼺𖽺𖾑 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼞𖽑𖽙𖾐 𖼠𖽕 𖼞𖽳𖾐 𖼄𖽡𖾐 𖼊𖽺𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼞𖽜， 21 𖼽𖽻 𖼈𖽳𖾐 𖼊𖽑𖽺 𖼀𖽦𖾐 𖼄𖽪𖾑， 𖼊𖽑𖽡 𖼞𖽑𖽚𖾑 𖼊𖽑𖽡 𖼞𖽑𖽚 𖼰𖽻𖾑 𖼳𖽨𖾐 𖼷𖽑𖽡𖾐 𖼖𖽡𖾐、 𖼷𖽑𖽡𖾐 𖼣𖽙 𖼦𖽑𖽺𖾑 𖼐𖽑𖽡 𖼐𖽑𖽡𖾐 𖼊𖽑𖽺 𖼳𖽪𖾐 𖼖𖽡𖾐． 22 𖼰𖽻𖾑 𖼳𖽨𖾐 𖼞𖽳𖾐 𖼦𖽑𖽺𖾑 𖼐𖽑𖽡 𖼐𖽑𖽡𖾐， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼽𖽻 𖼈𖽳𖾐 𖼮𖽡𖾐 𖼂𖽦𖾐 𖼖𖽦 𖼠𖽻𖾐 𖼞𖽑𖽶𖾐 𖼮𖽑𖽻𖾐 𖼊𖽚𖾐 𖼖𖽻𖾐， 𖼮𖽻𖾐 𖼺𖽙𖾐 𖼞𖽳𖾐 𖼐𖽑𖽡𖾐 𖼦𖽑𖽦 𖼠𖽚， 𖼞𖽑𖽶𖾑 𖼠𖽚 𖼳𖽚𖾑 𖼀𖽑𖽚𖾐 𖼖𖽺𖾑 𖼖𖽪、 𖼮𖽑𖽧𖾐 𖼞𖽪 𖼀𖽑𖽚𖾐 𖼞𖽜𖾐 𖼺𖽜𖾐 𖼀𖽑𖽢 𖼞𖽳𖾐 𖼐𖽑𖽡𖾐 𖼦𖽑𖽦 𖼹𖽳𖾐 𖼣𖽻𖾐． 𖼽𖽻 𖼈𖽳𖾐 𖼞𖽜 𖼦𖽑𖽺𖾑 𖼐𖽑𖽡 𖼐𖽑𖽡𖾐 𖼷𖽙 𖼷𖽙 𖼊𖽻𖾐 𖼊𖽻𖾐， 𖼄𖽡𖽻 𖼐𖽑𖽡 𖼈𖽺𖾐 𖼷𖽙𖾐 𖼖𖽙𖾐 𖼞𖽜 ， 𖼹𖽦𖾑 𖼷𖽑𖽻𖾐 𖼳𖽚𖾑 𖼀𖽑𖽙 𖼊𖽑𖽺 𖼖𖽺𖾑 𖼂𖽻𖾐 𖼞𖽜．
23 𖽃𖽔𖾐 𖼺𖽺𖾑， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼄𖽚𖾑 𖼍𖽡 𖼠𖽺 𖼞𖽑𖽙𖾐 𖼈𖽝 𖼽𖽻 𖼈𖽳𖾐 𖼊𖽑𖽺 𖼞𖽜 𖼺𖽪𖾐 𖼺𖽪𖾑 𖼮𖽑𖽙𖾐 𖼖𖽙𖾐 𖼮𖽑𖽻𖾐， 𖼊𖽑𖽡 𖼞𖽑𖽚𖾑 𖼊𖽑𖽡 𖼞𖽑𖽚 𖼦𖽑𖽺𖾑 𖼻𖽻𖾐 𖼳𖽪𖾐 𖼊𖽻𖾐． 24 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼞𖽳𖾐 𖼮𖽡𖾐 𖼂𖽦𖾐， 𖼽𖽕𖾑 𖼰𖽡𖽕 𖼮𖽑𖽪𖾐 𖼳𖽶 𖼷𖽑𖽻𖾐 𖼦𖽑𖽔𖾐 𖼄𖽡 𖼍𖽕𖾑 𖼊𖽑𖽔𖾐 𖼞𖽳𖾐 𖼻𖽙 𖼦𖽔𖾐 𖼄𖽕𖾑 𖼷𖽑𖽺𖾐 𖼞𖽻𖾐 𖼄𖽪𖾐 𖼊𖽪𖾐 𖼻𖽜 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼦𖽹𖾑， 𖼽𖽻 𖼈𖽳𖾐 𖼊𖽑𖽺 𖼄𖽳 𖼮𖽡𖽦 𖼦𖽑𖽙𖾐 𖼊𖽡 𖼮𖽑𖽻． 25 𖼦𖽑𖽻𖾐 𖼊𖽑𖽻𖾐， 𖼄𖽡𖽻 𖼦𖽑𖽺𖾑 𖼽𖽡 𖼺𖽶𖾐 𖼊𖽑𖽡𖽦 𖼀𖽦𖾐 𖼈𖽪𖾐 𖼍𖽦 𖼊𖽑𖽺 𖼊𖽑𖽧 𖼦𖽑𖽙𖾐 𖼠𖽙𖾑 𖼍𖽻𖾐， 𖼈𖽪𖾐 𖼍𖽦 𖼺𖽪𖾑 𖼮𖽑𖽙𖾐 𖼈𖽝 𖼄𖽡𖽻 𖼍𖽻𖾑 𖼺𖽺𖾑， 𖼦𖽔𖾐 𖼄𖽕𖾑 𖼞𖽑𖽙𖾐 𖼣𖽝 𖼺𖽪𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼦𖽹𖾑 𖼊𖽡 𖼮𖽑𖽻 𖼞𖽳𖾐 𖼊𖽶𖾐 𖼄𖽡𖽻 𖼞𖽑𖽶𖾑 𖼀𖽑𖽚𖾐 𖼽𖽻 𖼈𖽪𖾑 𖼊𖽡𖾐 𖼞𖽕 𖼊𖽦𖾐 𖼖𖽻𖾐， 𖼹𖽦𖾑 𖼽𖽻 𖼐𖽺𖾐 𖼽𖽻 𖼞𖽳𖾐 𖼻𖽙 𖼷𖽑𖽡𖾐 𖼽𖽚𖾐 𖼊𖽑𖽺 𖼀𖽑𖽨 𖼺𖽧𖾐 𖼷𖽻𖾐 𖼊𖽑𖽺 𖼠𖽕𖾑 𖼍𖽪𖾐 𖼦𖽑𖽙𖾐．
“𖼷𖽑𖽺𖾐 𖼞𖽻𖾐 𖼻𖽦 𖼐𖽑𖽡𖾐 ” 𖼞𖽪𖾐 𖼮𖽡𖽺𖾐
26 𖼦𖽑𖽺𖾑 𖼻𖽻𖾐 𖼣𖽻𖾐 𖼺𖽺𖾑， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼰𖽻𖾑 𖼳𖽨𖾐 𖼷𖽑𖽡𖾐 𖼖𖽡𖾐、 𖼷𖽑𖽡𖾐 𖼣𖽙 𖼦𖽑𖽺𖾑 𖼐𖽑𖽡 𖼐𖽑𖽡𖾐 𖼊𖽑𖽺 “𖼀𖽑𖽪 𖽃𖽳 𖼐𖽑𖽡𖾐 ” 𖼐𖽺𖾐 𖼀𖽦𖾐． 𖼽𖽻 𖼈𖽳𖾐 𖼄𖽚𖾑 𖼍𖽡 𖼠𖽺 𖼈𖽝 𖼺𖽪𖾐 𖼺𖽪𖾑 𖼮𖽑𖽙𖾐 𖼐𖽦𖾐 𖼄𖽡𖽻𖾐 𖼐𖽺𖾐 𖼞𖽑𖽙𖾐 𖼷𖽶𖾐 𖼄𖽳𖾐 𖼺𖽪𖾐 𖼄𖽡𖽻 𖼖𖽙𖾐 𖼀𖽙𖾐 𖼺𖽺𖾑， 27 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼳𖽪𖾐 𖼮𖽨𖾐 𖼍𖽧𖾑 𖼍𖽙𖾑 𖼀𖽦𖾐 𖼷𖽑𖽦𖾐， 𖼽𖽻 𖼈𖽳𖾐 𖼐𖽺𖾐 𖼽𖽻 𖼈𖽳𖾐 𖼞𖽳𖾐 𖼻𖽙 𖼮𖽑𖽡 𖼖𖽺𖾑 𖼖𖽦𖾐， 𖼹𖽦𖾑 𖼞𖽑𖽙𖾐 𖼽𖽻 𖼈𖽳𖾐 𖼖𖽙𖾐 𖼊𖽴 𖼺𖽪𖾐 𖼷𖽑𖽻𖾐， 𖼊𖽑𖽡 𖼞𖽑𖽚𖾑 𖼊𖽑𖽡 𖼞𖽑𖽚 𖼞𖽑𖽙𖾐 𖼍𖽧𖾑 𖼍𖽙𖾑 𖼖𖽙𖾐 𖼮𖽑𖽻𖾐 𖼐𖽑𖽡𖾐 𖼦𖽑𖽦 𖼦𖽑𖽺𖾑 𖼐𖽑𖽡 𖼐𖽑𖽡𖾐 𖼊𖽑𖽺 𖼳𖽪𖾐 𖼖𖽡𖾐， 𖼻𖽳𖾐 𖼹𖽦𖾐 𖼮𖽑𖽡𖾐 𖼖𖽺𖾑 𖽂𖽙𖾐 𖼀𖽑𖽧𖾐 𖼄𖽔 𖼊𖽙𖾐． 28 𖼞𖽑𖽙𖾐 𖼣𖽻𖾐 𖼄𖽡𖾐 𖼊𖽺𖾐 𖼖𖽪𖾐 𖼞𖽳𖾐 𖼊𖽑𖽡 𖼈𖽴𖾑 𖼊𖽑𖽡 𖼈𖽴， 𖼹𖽦𖾐 𖼹𖽦𖾐 𖼀𖽻𖾐 𖼀𖽻𖾐 𖼐𖽑𖽡𖾐 𖼦𖽑𖽦 𖼦𖽑𖽺𖾑 𖼐𖽑𖽡 𖼐𖽑𖽡𖾐 𖼊𖽑𖽺 𖼦𖽙𖾑 𖼮𖽑𖽡 𖼖𖽡𖾐、 𖼳𖽪𖾐 𖼖𖽡𖾐， 𖼐𖽑𖽡𖾐 𖼦𖽑𖽦 𖼦𖽑𖽺𖾑 𖼞𖽜 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼠𖽻𖾐 𖼊𖽑𖽺 𖼀𖽑𖽧 𖼦𖽑𖽙𖾐 𖼄𖽔 𖼊𖽙𖾐， 𖼽𖽻 𖼈𖽳𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽜 𖼖𖽺𖾑 𖼄𖽔 𖼐𖽙 𖼦𖽙𖾑 𖼮𖽑𖽡 𖼖𖽡𖾐．
29 𖼽𖽕𖾑 𖼂𖽡 𖼦𖽦 𖼞𖽳𖾐 𖼻𖽙 𖼄𖽳 𖼽𖽡 𖼺𖽶𖾐 𖼊𖽑𖽡𖽦 𖼐𖽺𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼄𖽚𖾑 𖼍𖽡 𖼠𖽺 𖼷𖽶 𖼊𖽺𖾐 𖼻𖽜， 𖼹𖽦𖾑 𖼺𖽪𖾑 𖼊𖽑𖽡 𖼮𖽑𖽙𖾐 𖼈𖽝 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼀𖽦𖾐 𖼄𖽪𖾑 “𖼷𖽑𖽺𖾐 𖼞𖽻𖾐 𖼻𖽦 𖼐𖽑𖽡𖾐 ” 𖼦𖽑𖽺𖾑 𖼊𖽑𖽺 𖼳𖽪𖾐 𖼖𖽡𖾐． 30 𖼽𖽻 𖼷𖽙𖾐 𖼖𖽙𖾐 𖼊𖽑𖽙 𖼞𖽳𖾐 𖼊𖽻 𖼂𖽪𖾑 𖼐𖽺𖾐 𖼊𖽻 𖼰𖽶𖾐 𖼻𖽜 𖼺𖽺𖾑， 𖼺𖽪𖾑 𖼮𖽑𖽙𖾐 𖼦𖽑𖽙𖾐 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼠𖽕 𖼺𖽪𖾐 𖼊𖽑𖽡 𖼦𖽑𖽙𖾐 𖼐𖽑𖽡 𖼷𖽑𖽡𖾐 𖼳𖽶 𖼊𖽝𖾐 𖼄𖽡𖾐 𖼊𖽺𖾐 𖼞𖽳𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼞𖽜． 31 𖼽𖽻 𖼈𖽳𖾐 𖼊𖽑𖽺 𖼞𖽑𖽜𖾑 𖼞𖽑𖽙𖾐 𖼍𖽧𖾑 𖼷𖽑𖽦𖾐 𖼞𖽳𖾐 𖼐𖽑𖽡𖾐 𖼦𖽑𖽦 𖼞𖽑𖽶𖾐， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼄𖽚𖾑 𖼍𖽡 𖼠𖽺 𖼐𖽺𖾐 𖼈𖽪𖾐 𖼍𖽦 𖼄𖽳 𖼻𖽙 𖼞𖽑𖽙𖾐 𖼄𖽪𖾑 𖼍𖽴𖾑 𖼖𖽙𖾐 𖼮𖽑𖽻𖾐， 𖼽𖽻 𖼈𖽳𖾐 𖼹𖽦𖾑 𖼽𖽻 𖼄𖽳𖾑 𖼞𖽚 𖼐𖽺𖾐 𖼻𖽙 𖼮𖽑𖽡 𖼖𖽡𖾑 𖼖𖽦 𖼖𖽙𖾐 𖼀𖽙𖾐 𖼷𖽙𖾐 𖼷𖽜𖾐 𖼮𖽑𖽡 𖼮𖽡𖽺𖾐 𖼞𖽑𖽶𖾑 𖼮𖽶𖾐， 𖼞𖽑𖽙𖾐 𖼍𖽧𖾑 𖼷𖽑𖽦𖾐 𖼺𖽪𖾐 “𖼷𖽑𖽺𖾐 𖼞𖽻𖾐 𖼻𖽦 𖼐𖽑𖽡𖾐 ” \fr 9．31 \ft “𖼷𖽑𖽺𖾐 𖼞𖽻𖾐 ” 𖼦𖽺𖾑𖽑 𖼳𖽡𖾐 𖼂𖽚 𖼖𖽦 𖼊𖽻 𖼈𖽪𖾐 “𖼀𖽑𖽪 𖽃𖽳 ” 𖼀𖽦𖾐 𖼺𖽪𖾐 𖼣𖽻𖾐．𖼦𖽑𖽺𖾑 𖼊𖽑𖽺 𖼳𖽪𖾐． 32 𖼽𖽡 𖼺𖽶𖾐 𖼊𖽑𖽡𖽦 𖼀𖽦𖾐 𖼷𖽑𖽦𖾐 𖼺𖽪𖾐 “𖼷𖽑𖽺𖾐 𖼞𖽻𖾐 𖼻𖽦 𖼐𖽑𖽡𖾐 ” 𖼦𖽑𖽺𖾑 𖼈𖽝 𖼺𖽺𖾑， 𖼈𖽪𖾐 𖼍𖽦 𖼞𖽳𖾐 𖼺𖽪𖾑 𖼮𖽑𖽙𖾐 𖼊𖽑𖽺 𖼖𖽺𖾑 𖼍𖽦𖾐 𖼍𖽳𖾐．