𖼄𖽚𖾑 𖼍𖽡 𖼠𖽺𖾐 𖼞𖽳𖾐 𖼄𖽡𖾐 𖼊𖽻
10
1 𖼦𖽳𖾑 𖼄𖽡𖾐 𖼊𖽑𖽺 𖼮𖽻𖾐 𖼺𖽪𖾐 𖼷𖽑𖽻𖾐 𖼐𖽺𖾐 𖼦𖽜𖾐 𖼄𖽙𖾐 𖼠𖽻𖾐 𖼊𖽑𖽺 𖽂𖽙 𖼰𖽡𖽺𖾐 𖼞𖽳𖾐 𖼮𖽻𖾐 𖼺𖽪𖾐 𖼷𖽑𖽻𖾐， 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼞𖽳𖾐 𖼳𖽚𖾐 𖼳𖽕𖾐 𖼖𖽡𖾐． 2 𖼽𖽻 𖼷𖽶 𖼊𖽺𖾐 𖽂𖽙 𖼐𖽑𖽡𖾐 𖼖𖽙𖾐 𖼮𖽑𖽻𖾐 𖼞𖽑𖽙𖾐 𖼂𖽺𖾐 𖼠𖽚 𖼺𖽪𖾐 𖼄𖽡𖽻， 𖼹𖽦𖾑 𖼄𖽚𖾑 𖼍𖽡 𖼠𖽺 𖼞𖽜 𖼄𖽡𖾐 𖼊𖽻 𖼈𖽳 𖼮𖽻𖾐 𖼞𖽳𖾐 𖼞𖽪𖾐 𖼮𖽡𖽺𖾐 𖼈𖽝 𖼺𖽺𖾑， 𖼄𖽔 𖼍𖽦𖾑 𖼐𖽺𖾐 𖼂𖽙𖾐 𖼺𖽶𖾐 𖼈𖽪𖾐 𖼍𖽦 𖼈𖽝 𖼍𖽙𖾑 𖼺𖽡𖾐 𖼺𖽪𖾑 𖼮𖽑𖽙𖾐 𖼊𖽑𖽺 𖼍𖽙𖾑 𖼍𖽳𖾐 𖼄𖽔 𖼣𖽻𖾐 𖼖𖽔？ 3 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼄𖽚𖾑 𖼍𖽡 𖼠𖽺 𖼞𖽜 𖼽𖽻 𖽂𖽚 𖼞𖽑𖽶𖾐 𖼞𖽳𖾐 𖼷𖽶 𖼄𖽻 𖼈𖽳 𖼂𖽺𖾐， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼠𖽻𖾐 𖼊𖽑𖽺 𖼀𖽑𖽶 𖼊𖽴 𖼈𖽳 𖼺𖽪𖾐 𖼰𖽕𖾐， 𖼷𖽑𖽻𖾐 𖼀𖽺 𖼽𖽻 𖼊𖽑𖽺 𖼦𖽑𖽔𖾐 𖼮𖽶𖾐 𖼐𖽦𖾐 𖼍𖽪𖾐， 𖼽𖽻 𖼽𖽻 𖼞𖽳𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼖𖽙𖾐 𖼀𖽙𖾐 𖼄𖽢 𖼀𖽜𖾐 𖼦𖽑𖽙𖾐， 𖼽𖽻 𖼈𖽳𖾐 𖼖𖽙𖾐 𖼮𖽑𖽻𖾐 𖼐𖽙𖾑 𖼣𖽜 𖼞𖽳𖾐 𖼊𖽻 𖼊𖽑𖽜𖾐．