𖼽𖽡 𖼺𖽶𖾐 𖼊𖽑𖽡𖽦 𖼺𖽪𖾑 3

𖼄𖽚𖾑 𖼍𖽡 𖼰𖽺 𖼦𖽔𖾐 𖼄𖽕𖾑 𖼊𖽑𖽺 𖼄𖽔 𖼊𖽑𖽴

1 𖼄𖽡𖽻 𖼦𖽑𖽺𖾑 𖼠𖽙𖾑 𖼍𖽻𖾐， 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼞𖽑𖽻𖾑 𖼽𖽕𖾑 𖼰𖽡𖽕 𖼮𖽑𖽪𖾐 𖼳𖽶 𖼷𖽑𖽻𖾐 𖼦𖽔𖾐 𖼄𖽡 𖼍𖽕𖾑 𖼞𖽳𖾐 𖼻𖽙 𖼦𖽔𖾐 𖼄𖽕𖾑 𖼊𖽑𖽺 𖼮𖽑𖽳 𖼄𖽶𖾐， 𖼽𖽻 𖼞𖽜 𖼽𖽻 𖼖𖽙𖾐 𖼮𖽑𖽻𖾐 𖼺𖽪𖾐 𖼠𖽳𖾐 𖼖𖽪𖾐 𖼷𖽶 𖼄𖽻 𖼦𖽶𖾑 𖼄𖽔 𖼷𖽑𖽶𖾐 𖼷𖽶 𖼊𖽺𖾐 𖼈𖽳 𖼮𖽻𖾐． 2 𖼈𖽪𖾐 𖼍𖽦𖽃𖽔𖾑 𖼊𖽪 𖼞𖽳𖾐 𖼞𖽑𖽶𖾑 𖼠𖽻𖾐， 𖼷𖽶 𖼄𖽻 𖼞𖽑𖽙𖾐 𖼣𖽻𖾐 𖼞𖽶𖾐 𖼮𖽑𖽶 𖼞𖽸 𖼹𖽺𖾐 𖼦𖽔𖾐 𖼄𖽕𖾑 𖼊𖽑𖽺 𖼊𖽑𖽴 𖼖𖽡𖾐， 𖼞𖽪𖾐 𖼮𖽡𖽺𖾐 𖼈𖽪𖾐 𖼍𖽦 𖼦𖽑𖽺𖾑 𖼖𖽙𖾐 𖼺𖽶𖾑 𖼄𖽪𖾑 𖼍𖽴𖾑 𖼦𖽑𖽙𖾐． 𖼄𖽚𖾑 𖼍𖽡 𖼠𖽺 𖼍𖽺𖾑 𖼦𖽔𖾐 𖼄𖽕𖾑 𖽃𖽙𖾑 𖼄𖽺 𖼮𖽑𖽡𖽺 𖼄𖽔 𖼮𖽡 𖼹𖽺𖾐， 𖼽𖽻 𖼊𖽑𖽺 𖼖𖽺𖾑 𖼄𖽔 𖼊𖽑𖽴．

3 𖽃𖽔𖾐 𖼺𖽺𖾑， 𖼈𖽪𖾐 𖼍𖽦 𖽃𖽔𖾑 𖼊𖽪 𖼞𖽳𖾐 𖼮𖽻𖾐 𖼺𖽪𖾐 𖼷𖽶 𖼄𖽻， 𖼄𖽚𖾑 𖼍𖽡 𖼠𖽺 𖼊𖽑𖽺 𖼊𖽻 𖼐𖽙𖾐 𖼀𖽦𖾐：“𖼐𖽑𖽡𖾐 𖽃𖽔 𖼹𖽻𖾐 𖼈𖽪𖾐 𖼍𖽦 𖼞𖽳𖾐 𖼄𖽪𖾑 𖼊𖽻 𖼊𖽑𖽺 𖼖𖽺𖾐 𖼈𖽳𖾑 𖼐𖽺𖾑？” 4 𖼽𖽻 𖼈𖽳𖾐 𖼊𖽑𖽡 𖼐𖽑𖽡𖾑 𖼐𖽑𖽡𖾐 𖼽𖽻 𖼊𖽑𖽺 𖼞𖽑𖽜𖾑， 𖼽𖽻 𖼦𖽑𖽔𖾐 𖼖𖽺𖾑 𖼊𖽻 𖼄𖽔 𖼐𖽙𖾐 𖼺𖽺𖾑， 𖼽𖽻 𖼈𖽳𖾐 𖼦𖽔𖾐 𖼄𖽕𖾑 𖼖𖽙𖾐 𖼀𖽦𖾐 𖼊𖽑𖽧， 𖼄𖽚𖾑 𖼍𖽡 𖼠𖽺 𖼽𖽻 𖼀𖽦𖾐 𖼖𖽙𖾐 𖼮𖽑𖽻𖾐 𖼦𖽑𖽡𖽚 𖼻𖽺𖾐 𖼊𖽙𖾐 𖼐𖽺𖾑 𖼄𖽔 𖼊𖽙𖾐 𖼐𖽺𖾐 𖼐𖽦𖾐， 𖼞𖽪𖾐 𖼮𖽡𖽺𖾐 𖼄𖽚𖾑 𖼍𖽡 𖼠𖽺 𖼽𖽻 𖼈𖽳𖾐 𖼖𖽙𖾐 𖼮𖽑𖽻𖾐 𖼀𖽦𖾐， 𖼽𖽻 𖼦𖽑𖽺𖾑 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼣𖽻𖾐．

5 𖼦𖽔𖾐 𖼄𖽕𖾑 𖼐𖽦𖾐 𖼄𖽡𖽻𖾐 𖼄𖽚𖾑 𖼍𖽡 𖼠𖽺 𖼽𖽻 𖼊𖽑𖽺 𖼄𖽔 𖼊𖽑𖽴 𖼺𖽺𖾑， 𖼦𖽑𖽔𖾐 𖼮𖽶𖾐 𖼦𖽑𖽦 𖼞𖽑𖽴． 6 𖼄𖽚𖾑 𖼍𖽡 𖼠𖽺 𖼊𖽑𖽺 𖼍𖽺𖾑 𖼺𖽦 𖼦𖽑𖽙𖾐 𖼊𖽑𖽡𖾑 𖼣𖽻𖾐， 𖼦𖽔𖾐 𖼄𖽕𖾑 𖼐𖽑𖽧𖾐 𖼄𖽔 𖼖𖽚， 𖼞𖽪𖾐 𖼮𖽡𖽺𖾐 𖼄𖽚𖾑 𖼍𖽡 𖼞𖽺 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼣𖽻𖾐 𖼞𖽑𖽶𖾑 𖼦𖽔𖾐 𖼄𖽕𖾑 𖼖𖽙𖾐 𖼀𖽦𖾐 𖼊𖽑𖽧 𖼺𖽪𖾐 𖼮𖽻𖾐． 𖽃𖽔𖾐 𖼺𖽺𖾑 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼞𖽳𖾐 𖼠𖽚 𖼠𖽻𖾐 𖼞𖽑𖽶𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐， 𖼦𖽔𖾐 𖼄𖽕𖾑 𖼽𖽻 𖼈𖽳𖾐 𖼞𖽜 𖼄𖽚𖾑 𖼍𖽡 𖼠𖽺 𖼖𖽙𖾐 𖼮𖽑𖽻𖾐 𖼊𖽑𖽡 𖼊𖽑𖽜 𖼄𖽳 𖼮𖽡𖽦 𖼦𖽑𖽙𖾐 𖼖𖽡𖾐 𖼊𖽡 𖼮𖽑𖽻．

𖼦𖽔𖾐 𖼄𖽕𖾑 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼄𖽳 𖼮𖽡𖽦 𖼦𖽑𖽙𖾐 𖼊𖽡 𖼮𖽑𖽻

7 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼂𖽺𖾐 𖼷𖽑𖽡𖾐 𖼐𖽑𖽡 𖼞𖽑𖽚 𖼞𖽳𖾐 𖼞𖽑𖽚 𖼳𖽸 𖼳𖽨𖾐 \fr 3．7 \ft “𖼞𖽑𖽚 𖼳𖽸 𖼳𖽨𖾐 ” 𖼦𖽑𖽺𖾑 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼞𖽳𖾐 “𖼐𖽑𖽧 𖼺𖽔 ” 𖼳𖽨𖾐 𖼣𖽻𖾐．， 𖼷𖽑𖽻𖾐 𖼦𖽔𖾐 𖼄𖽕𖾑 𖽃𖽙𖾑 𖼄𖽺 𖼮𖽑𖽡𖽺 𖼷𖽑𖽺𖾐 𖼞𖽻𖾐， 𖼐𖽑𖽡𖾐 𖼦𖽑𖽦 𖼖𖽙𖾐 𖼮𖽑𖽻𖾐 𖼞𖽻𖾐 𖼺𖽺𖾑， 𖼰𖽻𖾑 𖼳𖽨𖾐 𖼊𖽑𖽺 𖼞𖽻𖾐 𖼄𖽳𖾐 \fr 3．7 \ft “𖼰𖽻𖾑 𖼳𖽨𖾐 ” 𖼦𖽑𖽺𖾑 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼞𖽳𖾐 “𖼽𖽕𖾑 𖼍𖽕 ” 𖼳𖽨𖾐 𖼣𖽻𖾐．．

8 𖼦𖽔𖾐 𖼄𖽕𖾑 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼖𖽙𖾐 𖼀𖽦𖾐：“𖼷𖽑𖽻𖾐 𖼊𖽑𖽡 𖼮𖽑𖽪𖾐 𖼮𖽻𖾐， 𖼈𖽪𖾐 𖼍𖽦 𖼞𖽳𖾐 𖼠𖽚 𖼠𖽻𖾐 𖼞𖽑𖽶𖾐 𖼞𖽑𖽙𖾐 𖼣𖽻𖾐 𖼄𖽡𖾐 𖼊𖽺𖾐， 𖼞𖽑𖽙𖾐 𖼣𖽻𖾐 𖼳𖽶 𖼀𖽑𖽙 𖼠𖽻𖾐 𖼊𖽑𖽺 𖼮𖽻𖾐， 𖼽𖽻 𖼈𖽳𖾐 𖼞𖽳𖾐 𖼳𖽪𖾐 𖼮𖽨𖾐 𖼞𖽑𖽶𖾑 𖼊𖽑𖽡 𖼳𖽶 𖼀𖽑𖽙 𖼞𖽳𖾐 𖼳𖽪𖾐 𖼮𖽨𖾐 𖼖𖽙𖾐 𖼖𖽺𖾑 𖼄𖽔 𖼺𖽶𖾑， 𖼽𖽻 𖼈𖽳𖾐 𖼈𖽪𖾐 𖼍𖽦 𖼐𖽑𖽡𖾐 𖼞𖽳𖾐 𖼳𖽪𖾐 𖼮𖽨𖾐 𖼊𖽑𖽺 𖼖𖽺𖾑 𖼄𖽔 𖼳𖽪𖾐， 𖼽𖽻 𖼈𖽳𖾐 𖼊𖽑𖽺 𖼹𖽺𖾐 𖼍𖽙𖾑 𖼦𖽑𖽺𖾑 𖼈𖽪𖾐 𖼍𖽦 𖼐𖽑𖽡𖾐 𖼷𖽻 𖼀𖽜𖾐 𖼄𖽔 𖼮𖽻𖾐． 9 𖼈𖽪𖾐 𖼍𖽦 𖼐𖽑𖽡𖾐 𖼐𖽑𖽧𖾐 𖼺𖽳 𖼊𖽑𖽡𖾑 𖼣𖽻𖾐， 𖼐𖽑𖽡𖾐 𖼄𖽡𖽻 𖼍𖽻𖾑 𖼺𖽺𖾑 𖼽𖽻 𖼈𖽳𖾐 𖼊𖽑𖽺 𖼄𖽳 𖼮𖽡𖽦 𖼦𖽑𖽙𖾐 𖼻𖽻𖾐． 𖼣𖽙𖾐 𖼐𖽑𖽧𖾐 𖼺𖽳 𖼄𖽙𖾐 𖼀𖽑𖽨𖾐 𖼺𖽙𖾐 𖼷𖽑𖽡𖾐 𖼖𖽡𖾐 𖼄𖽺 𖼰𖽡𖾐 𖼰𖽡𖽻𖾐 𖼺𖽺𖾑， 𖼈𖽪𖾐 𖼍𖽦 𖼀𖽑𖽶 𖼊𖽴 𖼄𖽡𖽻 𖼐𖽑𖽡𖾐 𖼰𖽡𖽺𖾐 𖼞𖽳𖾐 𖼠𖽕𖾐 𖼦𖽑𖽺𖾐 𖼠𖽕 𖼺𖽪𖾐 𖼖𖽦 𖼠𖽻𖾐 𖼞𖽑𖽶𖾐 𖼰𖽡𖽺𖾐 𖼊𖽻𖾐．”

10 𖽃𖽔𖾐 𖼺𖽺𖾑 𖼈𖽪𖾐 𖼍𖽦 𖼺𖽙 𖼍𖽴𖾑 𖼖𖽚𖾐 𖼂𖽚𖾐 𖼖𖽦 𖼐𖽑𖽡𖾐 𖼺𖽶𖾐 𖼖𖽧 𖼹𖽺𖾐 𖼖𖽻𖾐， 𖼰𖽡𖽻𖾐 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼞𖽳𖾐 𖼮𖽡𖾐 𖼂𖽦𖾐， 𖼽𖽕𖾑 𖼰𖽡𖽕 𖼮𖽑𖽪𖾐 𖼳𖽶 𖼷𖽑𖽻𖾐 𖼦𖽔𖾐 𖼄𖽡 𖼍𖽕𖾑 𖼊𖽑𖽔𖾐 𖼞𖽳𖾐 𖼻𖽙 𖼦𖽔𖾐 𖼄𖽕𖾑 𖼊𖽑𖽺 𖼞𖽜． 11 𖼈𖽪𖾐 𖼍𖽦 𖼦𖽔𖾐 𖼄𖽕𖾑 𖼖𖽙𖾐 𖼀𖽦𖾐：“𖼀𖽑𖽨𖾐 𖼦𖽑𖽺𖾑 𖼖𖽪 𖼐𖽑𖽡𖾐 𖼊𖽑𖽺 𖼞𖽜 𖼻𖽻𖾐， 𖼦𖽑𖽺𖾑 𖼳𖽶 𖼷𖽑𖽻𖾐 𖼮𖽑𖽪𖾐 𖼖𖽺𖾑 𖼰𖽡𖽻𖾐 𖼐𖽑𖽡𖾐 𖼊𖽑𖽺 𖼞𖽜， 𖼐𖽑𖽡𖾐 𖽃𖽔 𖼊𖽺𖾐 𖼊𖽡 𖼮𖽑𖽻， 𖼽𖽻 𖼈𖽳𖾐 𖼊𖽑𖽺 𖽃𖽔𖾐 𖼊𖽺𖾐 𖼂𖽺𖾐 𖼮𖽑𖽳𖾐．”

𖼈𖽪𖾐 𖼍𖽦 𖼦𖽔𖾐 𖼄𖽕𖾑 𖼞𖽜 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼄𖽳 𖼮𖽡𖽦

12 𖼞𖽑𖽚 𖼳𖽸 𖼳𖽨𖾐 𖼷𖽑𖽡𖾐 𖼺𖽙𖾐， 𖼈𖽪𖾐 𖼍𖽦 𖼞𖽳𖾐 𖼺𖽪𖾑 𖼷𖽑𖽺𖾐 𖼷𖽑𖽻𖾐 𖼄𖽳𖾑 𖼄𖽳 𖼊𖽑𖽺 𖽃𖽶𖾐 𖼻𖽶𖾑 𖼖𖽻𖾐， 𖼦𖽔𖾐 𖼄𖽕𖾑 𖼞𖽑𖽙𖾐 𖼄𖽪𖾑 𖼍𖽴𖾑 𖼖𖽙𖾐 𖼮𖽑𖽻𖾐， 𖼞𖽑𖽙𖾐 𖼣𖽻𖾐 𖼄𖽡𖾐 𖼊𖽺𖾐 𖼞𖽳𖾐 𖼺𖽪𖾑 𖼂𖽕𖾐， 𖼞𖽑𖽙𖾐 𖼣𖽻𖾐 𖼳𖽶 𖼀𖽑𖽙 𖼞𖽳𖾐 𖼊𖽻 𖼈𖽪𖾐， 𖼽𖽕𖾑 𖼦𖽔𖾐 𖼺𖽪𖽧 𖼖𖽪 𖼈𖽪𖾐 𖼍𖽦 𖼞𖽳𖾐 𖼄𖽡𖾐 𖼊𖽻 𖼻𖽜 𖼺𖽪𖾑 𖼮𖽑𖽙𖾐 𖼈𖽝， 𖼹𖽦𖾑 𖼈𖽪𖾐 𖼍𖽦 𖼞𖽳𖾐 𖼖𖽦 𖼐𖽑𖽡𖾐 𖼺𖽶𖾐 𖼻𖽜 𖼺𖽙 𖼍𖽴𖾑， 𖼦𖽑𖽙𖾐 𖼺𖽺𖾑 𖼷𖽶 𖼄𖽻 𖼈𖽳、 𖼞𖽑𖽙𖾐 𖼣𖽻𖾐 𖼄𖽡𖾐 𖼊𖽺𖾐 𖼞𖽳𖾐 𖼷𖽶 𖼄𖽻 𖼐𖽺𖾐 𖼞𖽑𖽙𖾐 𖼣𖽻𖾐 𖼳𖽶 𖼀𖽑𖽙 𖼞𖽳𖾐 𖼈𖽪𖾑 𖼷𖽪𖾐 𖼊𖽑𖽺 𖼞𖽜． 13 𖼈𖽪𖾐 𖼍𖽦 𖼞𖽳𖾐 𖼳𖽪𖾐 𖼮𖽨𖾐 𖼺𖽪𖾑 𖼮𖽑𖽙𖾐 𖼦𖽑𖽙𖾐 𖼺𖽪𖾐 𖼹𖽡𖾐 𖼖𖽦， 𖼺𖽪𖾑 𖼮𖽑𖽙𖾐 𖼦𖽑𖽙𖾐 𖼞𖽑𖽙𖾐 𖼣𖽻𖾐 𖼄𖽡𖾐 𖼊𖽺𖾐 𖼮𖽑𖽡𖾐， 𖼷𖽑𖽻𖾐 𖼊𖽑𖽺 𖼄𖽪𖾑 𖼍𖽴𖾑 𖼰𖽻𖾑 𖼳𖽨𖾐 𖼷𖽑𖽡𖾐 𖼺𖽙𖾐 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼠𖽻𖾐 𖼞𖽑𖽶𖾐， 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼞𖽑𖽙𖾐 𖼣𖽻𖾐， 𖼄𖽻 𖼄𖽻 𖼖𖽦𖾑 𖼖𖽦𖾑 𖼣𖽻𖾐 𖼦𖽻， 𖽃𖽔𖾐 𖼐𖽑𖽳𖾐 𖼄𖽙𖾐 𖼻𖽙 𖼣𖽻𖾐 𖼦𖽻， 𖼄𖽳𖾑 𖼄𖽳 𖼊𖽑𖽺 𖼺𖽦 𖼦𖽑𖽙𖾐、 𖼄𖽳 𖼮𖽡𖽦 𖼖𖽡𖾐， 𖼦𖽑𖽔𖾐 𖼖𖽺𖾑 𖼽𖽻 𖼈𖽳𖾐 𖼞𖽳𖾐 𖼄𖽡𖾐 𖼳𖽡𖽪 𖼦𖽑𖽺𖾐 𖼠𖽙𖾐 𖼊𖽑𖽺 𖼐𖽻𖾑 𖼦𖽑𖽙𖾐 𖼖𖽡𖾐．

14 𖼺𖽪𖾑 𖼮𖽑𖽙𖾐 𖼦𖽑𖽙𖾐 𖼞𖽑𖽙𖾐 𖼣𖽻𖾐 𖼄𖽡𖾐 𖼊𖽺𖾐 𖼮𖽑𖽡𖾐， 𖼞𖽑𖽙𖾐 𖼣𖽻𖾐 𖼳𖽶 𖼀𖽑𖽙 𖼊𖽑𖽺 𖼀𖽦𖾐 𖼊𖽑𖽧， 𖼽𖽻 𖼈𖽳𖾐 𖼞𖽜 𖼞𖽑𖽶𖾑 𖼊𖽑𖽡 𖼐𖽑𖽡𖾐 𖼖𖽙𖾐 𖼀𖽙𖾐 𖼂𖽺𖾐 𖼳𖽡𖽻𖾐 𖼀𖽑𖽢 𖼖𖽡𖾐． 15 𖼺𖽪𖾑 𖼮𖽑𖽙𖾐 𖼦𖽑𖽙𖾐 𖼺𖽪𖾐 𖼹𖽡𖾐 𖼖𖽦 𖼐𖽕 𖼐𖽕𖾐 𖼈𖽪𖾐 𖼍𖽦 𖼄𖽪𖾑 𖼍𖽴𖾑 𖼖𖽙𖾐 𖼮𖽑𖽻𖾐 𖼊𖽚𖾐 𖼽𖽡𖾐， 𖽃𖽙𖾑 𖼄𖽺 𖼦𖽑𖽙𖾐 𖼳𖽪𖾐 𖼳𖽔𖾐 𖼖𖽪𖾐 𖼞𖽳𖾐 𖼷𖽑𖽻𖾐 𖼊𖽑𖽺 𖼞𖽜． 𖼞𖽑𖽶𖾑 𖼮𖽶𖾐， 𖼈𖽪𖾐 𖼍𖽦 𖼐𖽺𖾐 𖼦𖽔𖾐 𖼄𖽕𖾑 𖼷𖽙𖾐 𖼖𖽙𖾐 𖼮𖽑𖽻𖾐 𖼮𖽶𖾐 𖼀𖽳 𖼊𖽻𖾐， 𖼳𖽪𖾐 𖼳𖽔𖾐 𖼖𖽪𖾐 𖼞𖽳𖾐 𖼷𖽑𖽻𖾐 𖼦𖽑𖽔𖾐 𖼮𖽶𖾐 𖼣𖽝 𖼮𖽨𖾐 𖼄𖽔 𖼊𖽙𖾐．