Nyaraga cĩ eheedi Paulo Vĩlẽmõn
Yelinit cĩ Nyaraga cĩ Vĩlẽmõnĩ
Eheedi balna Paulo tionniaiti Nyaraga coo ballioit ĩmma cĩ athĩ Vĩlẽmõn, cĩ balna ẽẽn wobjiait cĩ Kiristo. Aavĩ balna nyakapanaiti ĩmma cĩnnẽ cĩ athĩ Õnẽthĩmõth. Avir balna Õnẽthĩmõthĩ ĩcĩ Vĩlẽmõnĩ õkkõ ĩcĩ Rũma, ĩthõng õõt urumtõy kĩ Paulo natẽ. Ngaatĩ aku ẽnnẽ nẽ wobjiait cĩ Kiristo, ĩthõng naboo, ẽẽl nẽ Paulo wũ balna ngaanĩ aavĩ kĩjanatõ buu. Ma natẽ ikiyyia ition Paulo Õnẽthĩmõth kayak Nyaraga coo kaanyĩk Vĩlẽmõn. Ẽẽn Nyaraga coo cĩ ajini Paulo Vĩlẽmõn katamatĩk Õnẽthĩmõth, kõdẽ woyyia ngĩ aduwa ngiranĩ cĩ Rũma athĩ ne, ruk niia nyakapanait ĩmma cĩ avir ĩcunni kadaak. Ĩthõng naboo uduwak Paulo Vĩlẽmõn ethek ne, lẽm nyakapanait cunni Õnẽthĩmõth, kaavu kĩ wobjiaiti cĩ Kiristo cĩ ẽẽn gotonu.