Nyaraga cĩ eheedi Paulo Tiito
Yelinit cĩ Nyaragawo
Eheedi balna Paulo wũ, ẽẽn tionniait cĩ Yesu Kiristo Nyaraga coo Tiito. Ẽẽn balna Tiito et cĩ ẽẽn Girihenit cĩ balna aku ẽẽn wobjiait cĩ Kiristo, ĩthõng ẽẽl balna nẽ Paulo gõõla cĩ ẽhẽrõnĩ, iinyia cĩk meelĩk ngatĩ irioni Nyemut cĩ Abũnna cĩ Kiristo. Ma balna vurtia, ition Paulo ĩnõõnõ kũũk kĩĩ makayyioit cĩ agam eet cĩk kelethiawak, looca cĩ Kẽrẽẽtẽ cĩ alĩha maama.
Eyeleei Paulo Tiito nyaragawa kẽbẽra eet cĩk athimatĩth cĩk abũnna cĩk ongollie eeta ĩnõõgõ, kĩĩtõ makayyiok cĩk lemnyiok cĩk kelethiawak. Ĩthõng naboo, eyeleei ĩnõõnõ gõõl cĩ alimanĩ eet cĩk kelethiawak mĩn mĩn, kĩ eet cĩk maacĩk cĩk atanganyitõ, kĩ ngaay cĩk atanganyitõ, kĩ dõõlĩ cĩk kĩdĩk, kĩ nyakapanak. Ngaatĩ aduwacĩ Paulo Tiito ẽthẽcĩ ne, adiim thẽk ngĩ aatĩ Kirithtianẽta vẽlẽk cĩk Kiristo ganõna, ĩthõng ayait gõõnĩthẽt, ĩthõng ũtũngtek thõõth cĩ aaburnõnĩ thõng kĩ gẽrẽnyõn, kĩ ngatĩ ẽngẽrõõnĩ kõrgẽna cĩnĩng.